ನಲ್ಮೆಯ ಗೆಳೆಯ -ಗೆಳತಿಯರಿಗೆಲ್ಲ ನನ್ನ ಹೃದಯವಾಣಿಗೆ ಪ್ರೀತಿಯ ಆದರದ ಸ್ವಾಗತ... ನನ್ನ ಮನದಾಳದ ಮಾತು ಇಲ್ಲಿ ಬಿಂಬಿಸಿದ್ದೇನೆ ಬಿಡುವಿದ್ದಾಗ ಓದಿ ಮನಸ್ಸಿನ ನೋವನ್ನು ಸ್ವಲ್ಪ ಹಗುರ ಮಾಡಿಕೊಳ್ಳಿ ಜೊತೆಗೆ ಸಲಹಿ ಹಾರೈಸಿ :))

Search This Blog

Tuesday, June 18, 2013

ಜೀವನೋತ್ಸಾಹ

***********************************************************************************************
ಕಣ್ಣಂಚಲಿ ತುಂಬಿದೆ ನೂರಾರು ಆಸೆಗಳು
ಸಾಧಿಸಲು ಬೇಕಿದೆ ಮನಕೆ; ಹೊಸ ಹುರುಪುಗಳು!

ಕಮರಿಹೋದ ಬಾಳ ಪುಟಗಳ ಮತ್ತೆ ಸರಿಪಡಿಸಬೇಕೆಂಬ ಆಶಯ!
ಕೊರಗುವ ಎದೆಯಲ್ಲಿ ತುಂಬಿದೆ, ಹೊರಬರಲಾರದಷ್ಟು ಸಂಶಯ!

ಆಸಕ್ತಿಯೆಂಬ ಬೇಟೆಗಾರನಿಗೆ ದಾರಿಯಲಿ ಸಿಕ್ಕಿತೊಂದು ಪ್ರಾಣಿ!
ಅದರ ಬೇಕು-ಬೇಡ ತಿಳಿಯದೆ, ಬಾಣದ ಗುರಿ ತಪ್ಪಿ ಅವನಾದ ನಿತ್ರಾಣಿ!

ತುಮುಲಗಳ ಬಲೆಯೊಳಗೆ, ಆಲೋಚನೆಯ ಜೇಡವು ಹುಡುಕುತಿದೆ; ತನ್ನ ಸುರಕ್ಷತೆಯ!
ಹೇಗೆ ಹೇಳಲಿ ನಾ, ತಾನೆಣದಿರುವ ಬಲೆಯಲಿ ತಾ ಸಿಲುಕಿ ಬಳಲುತಿರುವದರ ವ್ಯಥೆಯ!

ಕಣ್ಣಂಚಲಿ ತುಂಬಿದೆ ನೂರಾರು ಆಸೆಗಳು!
...

ಕಾಲದ ಹಿಂದೋಡುವ ಆಸೆ ಕಾಲಹರಣ ಮಾಡುತ!
ಕಾಲವು ಹೇಳುತಿದೆ ಕಾಯದಿರು ನೀ ನನ್ನ ಹಿಂಬಾಲಿಸುತ!
ಸಾಧಿಸೇನಾದರು ನೀ ನನಗಿಂತ ಮುಂದೆ ಸಾಗುತ್ತ!

ನೆನ್ನೆ-ನಾಳೆಯ ನಡುವೆ ಶುರುವಾಗಿದೆ ಕಾದಾಟ 
ಇವೆರಡರ ನಡುವಿನ 'ಇಂದಿ'ಗೆ ಬಂದಿದೆ ಪರದಾಟ 
ಈ ಮೂರರ ಹಿಂದಿದೆ ಬಿಡಿಸಲಾರದ ನಂಟು 
ಸಾಧಿಸಬೇಕಾದೆಡೆ ಬಿಡಿಸೋ ಅವುಗಳ ನಡುವಿನ ಒಗಟು!

ಕಣ್ಣಂಚಲಿ ತುಂಬಿದೆ ನೂರಾರು ಆಸೆಗಳು!
...

~ಜಿ.ಪಿ.ಗಣಿ~
***********************************************************************************************

1 comment:

  1. ಜೀವನೋತ್ಸಾಹ ತುಂಬುವ ಇಂತ ಗೀತೆಗಳೆಂದರೆ ನಮಗೂ ಖುಷಿ,
    ಶಭಾಷ್ ಕವಿಯೇ:
    ಕಾಲದ ಹಿಂದೋಡುವ ಆಸೆ ಕಾಲಹರಣ ಮಾಡುತ!
    ಕಾಲವು ಹೇಳುತಿದೆ ಕಾಯದಿರು ನೀ ನನ್ನ ಹಿಂಬಾಲಿಸುತ!
    ಸಾಧಿಸೇನಾದರು ನೀ ನನಗಿಂತ ಮುಂದೆ ಸಾಗುತ್ತ!

    ReplyDelete