ನಲ್ಮೆಯ ಗೆಳೆಯ -ಗೆಳತಿಯರಿಗೆಲ್ಲ ನನ್ನ ಹೃದಯವಾಣಿಗೆ ಪ್ರೀತಿಯ ಆದರದ ಸ್ವಾಗತ... ನನ್ನ ಮನದಾಳದ ಮಾತು ಇಲ್ಲಿ ಬಿಂಬಿಸಿದ್ದೇನೆ ಬಿಡುವಿದ್ದಾಗ ಓದಿ ಮನಸ್ಸಿನ ನೋವನ್ನು ಸ್ವಲ್ಪ ಹಗುರ ಮಾಡಿಕೊಳ್ಳಿ ಜೊತೆಗೆ ಸಲಹಿ ಹಾರೈಸಿ :))

Search This Blog

Thursday, June 20, 2013

ಪ್ರೀತಿಯ ಹುಟ್ಟು!


***********************************************************************************************

ನಿನ್ನ ಜೊತೆಗಿನ 
ಒಡನಾಟವ 
ಕಂಡು
ಗರ್ಭ ಧರಿಸಿತು 

ಮನವು
ಪ್ರೀತಿಯೆಂಬ ಕೂಸನು!

~ಜಿ.ಪಿ.ಗಣಿ~

***********************************************************************************************

ಹುಚ್ಚು ಪ್ರೀತಿ

***********************************************************************************************

ನೀ ಬೇಡವೆಂದರೂ ನಿನ್ನ ಬಳಿ  
ಓಡಿ ಬರುವ ಮನಕೆ ನಾನೇನೆಂದು ಹೇಳಲಿ?
ಮರೆತಷ್ಟು ಕಾಡುವುದು ನಿನ್ನಯ  ನೆನಪು!
ಈ ಹುಚ್ಚು ಪ್ರೀತಿಯ ಹುಟ್ಟಡಗಿಸಲು ಸಾಧ್ಯವಿಲ್ಲವೇ?

ಇರುಳಿನ ಕನಸಾಗಿ ಬಂದು ಹೋಗದೆ 
ಬಾಳಿನ ಕನಸಾಗಿ ಏಕೆ ಬಂದೆ!
ಮೂಕವಾಗಿ ಒಳಹೊಕ್ಕು 
ಅಂತರಂಗದಿ ನನ್ನನೇಕೆ ಕೊಲ್ಲುತಿರುವೆ!
  
ಕನಸುಗಳು ಏಕೋ ಮರೆಯಾಗಿವೆ!
ಹೃದಯವೂ ತುಂಬಾ ಭಾರವಾಗಿದೆ!

ನೀ ದೂರ ಹೋದರೆ ನಾ ಉಳಿಯುವೆ!
ನಿನ್ನ ಮರೆತರೆ ಬದುಕಲಿ ನಾ ಗೆಲ್ಲುವೆ!

~ಜಿ.ಪಿ.ಗಣಿ ~ 
***********************************************************************************************


ನೆನಪಿನ ಸಂಗಮ!

***********************************************************************************************
ನಿನ್ನ ನೆನಪೆಂಬುದು ಧುಮ್ಮಿಕ್ಕಿ ಹರಿಯುವ 
ತಿಳಿ ಹಾಲಿನ ಜಲಪಾತವಿದ್ದಂತೆ,
ನಿನ್ನ ತೀವ್ರತೆ ಹೆಚ್ಚಾದಷ್ಟು 
ಎನ್ನ ಹೃದಯವೆಂಬ ನೆಲಕೆ ನಿನ್ನಯ 
ಸ್ಪರ್ಶದ ಕಾತುರತೆ ಉಲ್ಬಣಗೊಳ್ಳುತ್ತದೆ!

~ಜಿ.ಪಿ.ಗಣಿ~
***********************************************************************************************

Tuesday, June 18, 2013

ಜೀವನೋತ್ಸಾಹ

***********************************************************************************************
ಕಣ್ಣಂಚಲಿ ತುಂಬಿದೆ ನೂರಾರು ಆಸೆಗಳು
ಸಾಧಿಸಲು ಬೇಕಿದೆ ಮನಕೆ; ಹೊಸ ಹುರುಪುಗಳು!

ಕಮರಿಹೋದ ಬಾಳ ಪುಟಗಳ ಮತ್ತೆ ಸರಿಪಡಿಸಬೇಕೆಂಬ ಆಶಯ!
ಕೊರಗುವ ಎದೆಯಲ್ಲಿ ತುಂಬಿದೆ, ಹೊರಬರಲಾರದಷ್ಟು ಸಂಶಯ!

ಆಸಕ್ತಿಯೆಂಬ ಬೇಟೆಗಾರನಿಗೆ ದಾರಿಯಲಿ ಸಿಕ್ಕಿತೊಂದು ಪ್ರಾಣಿ!
ಅದರ ಬೇಕು-ಬೇಡ ತಿಳಿಯದೆ, ಬಾಣದ ಗುರಿ ತಪ್ಪಿ ಅವನಾದ ನಿತ್ರಾಣಿ!

ತುಮುಲಗಳ ಬಲೆಯೊಳಗೆ, ಆಲೋಚನೆಯ ಜೇಡವು ಹುಡುಕುತಿದೆ; ತನ್ನ ಸುರಕ್ಷತೆಯ!
ಹೇಗೆ ಹೇಳಲಿ ನಾ, ತಾನೆಣದಿರುವ ಬಲೆಯಲಿ ತಾ ಸಿಲುಕಿ ಬಳಲುತಿರುವದರ ವ್ಯಥೆಯ!

ಕಣ್ಣಂಚಲಿ ತುಂಬಿದೆ ನೂರಾರು ಆಸೆಗಳು!
...

ಕಾಲದ ಹಿಂದೋಡುವ ಆಸೆ ಕಾಲಹರಣ ಮಾಡುತ!
ಕಾಲವು ಹೇಳುತಿದೆ ಕಾಯದಿರು ನೀ ನನ್ನ ಹಿಂಬಾಲಿಸುತ!
ಸಾಧಿಸೇನಾದರು ನೀ ನನಗಿಂತ ಮುಂದೆ ಸಾಗುತ್ತ!

ನೆನ್ನೆ-ನಾಳೆಯ ನಡುವೆ ಶುರುವಾಗಿದೆ ಕಾದಾಟ 
ಇವೆರಡರ ನಡುವಿನ 'ಇಂದಿ'ಗೆ ಬಂದಿದೆ ಪರದಾಟ 
ಈ ಮೂರರ ಹಿಂದಿದೆ ಬಿಡಿಸಲಾರದ ನಂಟು 
ಸಾಧಿಸಬೇಕಾದೆಡೆ ಬಿಡಿಸೋ ಅವುಗಳ ನಡುವಿನ ಒಗಟು!

ಕಣ್ಣಂಚಲಿ ತುಂಬಿದೆ ನೂರಾರು ಆಸೆಗಳು!
...

~ಜಿ.ಪಿ.ಗಣಿ~
***********************************************************************************************

ಹೀಗೊಂಚೂರು!

***********************************************************************************************
ನಿನ್ನ ಮೌನ ಸಾಕು ಮನದ ಗಡಿಯಾರದ ಸದ್ದು ಕೇಳಲು!
ನಿನ್ನ ಮಾತು ಸಾಕು ಮನೆಯ ಗಡಿಯಾರದ ಸಮಯ ಮರೆಯಲು!

ಪ್ರೇಮದಮಲಿನಲಿ ಎನ್ನ ನೀನೆಂದೂ ಕಾಡದಿರು 
ಮನವೆಂಬ ವಾನರನ ನಿನ್ನ ಪ್ರೇಮದಿ ಎಂದೂ ಕೆಣಕದಿರು!

ದೂರ ಹೋಗುವ ಮುನ್ನ ನೀ ತುಸು ಯೋಚಿಸು 
ಈ ಆತ್ಮ ಪ್ರೇತಾತ್ಮವಾದರೆ ದೇವರ ದಯೆ ಯಾಚಿಸು!

ಬಣ್ಣ-ಬಣ್ಣದ ಕನಸುಗಳ ನೀ ಕಾಣಬೇಡ!
ಕಪ್ಪು-ಬಿಳುಪು ವಾಸ್ತವವ ಕಂಡು ನೀ ಮರುಗಬೇಡ!


~ಜಿ.ಪಿ.ಗಣಿ~ 
***********************************************************************************************

Friday, June 14, 2013

ತಪೋ ಭಂಗ!

***********************************************************************************************
ಕದ್ದು ಮುಚ್ಚಿ ನೋಡುವ ನಿನ್ನ ನೋಟ 
ಹುಟ್ಟಿಸಿದೆ ನನ್ನಲ್ಲಿ ಸುಂದರವಾದ ಭಾವ!

ಮಾತು ಶುರುವಾಯಿತು ಕಣ್ಣಲ್ಲೇ 
ಅದರೊಳಗೆ ನೂರೆಂಟು ಹಾವ-ಭಾವ!

ನಿನ್ನ ಕಣ್ಣ ಸೆರೆಯಲ್ಲಿದ್ದೆನೆಗೆ ತಿಳಿಯಲಿಲ್ಲ 
ಪಕ್ಕದಲ್ಲೇ  ಕುಳಿತಿದ್ದ ನನ್ನ ಮಾವ!

ಸುಮ್ಮನೆ ಕುಳಿತಿದ್ದ ಮಾವ ಆಗಲೇ 
ಕೊಡಬೇಕ ಮಗಳಿಗೆ ಹಾಲ್ಕೋವ!

ಯಾರ ಬಳಿ ಹೇಳಲಿ; ಕಣ್ಣ ಮಿಲನದ ಏಕಾಂತ 
ಭಂಗವಾದಾಗ ಆಗುವ ನೋವ!

~ಜಿ.ಪಿ.ಗಣಿ~ 
***********************************************************************************************