ನಲ್ಮೆಯ ಗೆಳೆಯ -ಗೆಳತಿಯರಿಗೆಲ್ಲ ನನ್ನ ಹೃದಯವಾಣಿಗೆ ಪ್ರೀತಿಯ ಆದರದ ಸ್ವಾಗತ... ನನ್ನ ಮನದಾಳದ ಮಾತು ಇಲ್ಲಿ ಬಿಂಬಿಸಿದ್ದೇನೆ ಬಿಡುವಿದ್ದಾಗ ಓದಿ ಮನಸ್ಸಿನ ನೋವನ್ನು ಸ್ವಲ್ಪ ಹಗುರ ಮಾಡಿಕೊಳ್ಳಿ ಜೊತೆಗೆ ಸಲಹಿ ಹಾರೈಸಿ :))

Search This Blog

Wednesday, August 20, 2014

ನಿಷ್ಕಲ್ಮಶ ಭಾವ

***********************************************************************************************
ನಿನ್ನಯ ಭಾವಚಿತ್ರದ ನಗುವಿಗೆ
ಸಾವಿರ ಭಾವಗಳು
ಜೀವವಿಲ್ಲದೇ ಜೀವ ತುಂಬುವುದು
ಈ ಉಸಿರಲ್ಲಿ
ಅದರಲ್ಲಿಹುದೊಂದೇ ನೋಟ
ಆತ್ಮಕೆ ಪ್ರೀತಿಯ ಮಗುವಿನೊಂದಿಗೆ
ಕಣ್ಣಾಮುಚ್ಚಾಲೆಯಾಟ
ನೀ ಬಳಿ ಇಲ್ಲದಿದ್ದರೂ
ನಿನ್ನ ಛಾಯೆಗೆ
ಎಂದಿಗೂ ಸಾವಿಲ್ಲ
~ಜಿ.ಪಿ.ಗಣಿ~
***********************************************************************************************

Friday, August 15, 2014

ನಿತ್ಯವೂ ಸ್ವಾತಂತ್ರ

***********************************************************************************************
ಸುತ್ತಲೂ ಕತ್ತಲು 
ಮೇಘಗಳ ಹುಡುಕಾಟದಲ್ಲಿ 
ಎಲ್ಲವೂ ತಿಳಿಯಾಗುವುದು 
ಬೆಳಗಾಗುವ ಹೊತ್ತಿಗೆ...
ನಸು ಮುಂಜಾವಿನಲಿ 
ಚಿಗುರುವ ಹಸಿ ಕನಸುಗಳು
ಆಗಸದಿ ಮೆತ್ತಿಟ್ಟ ಶ್ವೇತವರ್ಣದ ಶಿಲ್ಪಗಳು
ಎತ್ತೆತ್ತಲೂ ಹಕ್ಕಿಗಳ ಗಾನಮಾಲೆ
ಕಣ್ಣಿಗೆ ಕಾಣುವುದೆಲ್ಲಾ ಹೊಸತು

ತಣ್ಣನೆಯ ಗಾಳಿಯ ಸಂಚಲನ
ಜಡ ದೇಹದೊಳಗೆ...
ನಿತ್ರಾಣ ಬದುಕಿಗೆ ಉಸಿರಾಡಲು ಅದೇನೋ ರೋಮಾಂಚನ
ಪ್ರಕೃತಿಯೊಳಗಿನ ಪ್ರತಿಕೃತಿಯ ಸವಿಯಲು ನಿತ್ಯವೂ ಜನನ
ಯಾರ ಹಂಗಿಲ್ಲದೇ ಕರ್ಮವೆಲ್ಲವೂ ನಡೆಯುತಿಹುದು
ಅಣು ಅಣುವಿನ ಜತನದಿಂದ
ಕಾಣದ ಮಾಯೆಯ ಆತ್ಮದ ಬಲದಿಂದ
ಸ್ವಾತಂತ್ರ್ಯದ ಸಲಾಕೆಯಿಂದ

ನೆನ್ನೆಯೆಂಬಾ ಬಂಧನದ ಬಿಡುಗಡೆಗಾಗಿ ಹೋರಾಟ
ನಾಳೆಯ ಕಾಣದ ಬದುಕಿಗೆ ತಿರುಳಿಲ್ಲದ ಸೆಣಸಾಟ
ಸ್ವಾತಂತ್ರ್ಯವಿಹುದಿಲ್ಲೀ... 
ನಿತ್ಯಕೆ-ಸತ್ಯಕೆ
ದಿನವೂ ಹಾರಿಸಬೇಕು
ಬಾಳಿನ ಹರುಷದ ವಿಜಯ ಪತಾಕೆ

~ಜಿ.ಪಿ.ಗಣಿ~ 
***********************************************************************************************