ನಲ್ಮೆಯ ಗೆಳೆಯ -ಗೆಳತಿಯರಿಗೆಲ್ಲ ನನ್ನ ಹೃದಯವಾಣಿಗೆ ಪ್ರೀತಿಯ ಆದರದ ಸ್ವಾಗತ... ನನ್ನ ಮನದಾಳದ ಮಾತು ಇಲ್ಲಿ ಬಿಂಬಿಸಿದ್ದೇನೆ ಬಿಡುವಿದ್ದಾಗ ಓದಿ ಮನಸ್ಸಿನ ನೋವನ್ನು ಸ್ವಲ್ಪ ಹಗುರ ಮಾಡಿಕೊಳ್ಳಿ ಜೊತೆಗೆ ಸಲಹಿ ಹಾರೈಸಿ :))

Search This Blog

Wednesday, December 30, 2015


***********************************************************************************************
ಬೆಳಕ ನೋಟದಲಿ
ನಿರ್ವಸ್ತ್ರದಿ 
ಬಯಲಾದ
ಜಡ ದೇಹವು
ಕತ್ತಲೆಯನು ಸ್ವಾಗತಿಸಿಹುದು
ನಿರ್ವಿಕಾರ
ಆತ್ಮವನು
ಸೇರಲು

~ಜಿ.ಪಿ.ಗಣಿ~
***********************************************************************************************

Sunday, December 20, 2015

ಮುಂಗುರುಳ ಮೌನ!


***********************************************************************************************
ಎಲ್ಲಿದ್ದೆಯೋ ಓ ಒಲವೆ
ಹೆಂಗರುಳನೊಲಿಸಿದೆ
ಮನದ ಹೆಬ್ಬಾಗಿಲಲಿ
ನಿನ್ನಯ ಮುಂಗುರುಳೆ ತೋರಣ
ಹೃದಯಂಗಳದಿ ಮಗುವಂತೆ
ಆಡುವಾ ನಿನ್ನಯ ಮುದ್ದಾದ
ಮೊಗಕೆ ಏನೆಂದು ಹೆಸರಿಡಲಿ...
ಭಾವನೆಯ ಸಾಗರದಲೆಗಳು
ಅದೆಷ್ಟು ಎತ್ತರಕೆ ಜಿಗಿದಿಹವೋ...
ಪೊರೆ ಕಳಚಿ ಹೊರ ಬರುವ
ಚಿಟ್ಟೆಯಂತೆ ಜೀವನೋತ್ಸಾಹ
ನಿನ್ನೊಂದೊಂದು ಪಟಗಳಲೂ!!!


~ಜಿ.ಪಿ.ಗಣಿ~
***********************************************************************************************

Saturday, November 21, 2015

ಬಾಲ್ಯದ ಸವಿ ನೆನಪು ಈ ಮಳೆಯ ಚಳಿಯಲಿ!


***********************************************************************************************
ಜಿಟಿ ಜಿಟಿ ಮಳೆಗೆ ರಕ್ತವೆಲ್ಲವೂ
ಹೆಪ್ಪುಗಟ್ಟಿ ಹಿಡಿದ ಹಾಸಿಗೆಯಿಂದ
ಏಳುವಂತಿರಲಿಲ್ಲ ...
ನೆನೆ ನೆನೆದು ಲೊಳ ಲೊಳಲೆಂದು
ನಾಸಿಕದಿ ಹೊರಹರಿದುಬರುತ್ತಿತ್ತು
ಮೂಗಿನ ಹೊಳೆಯು...
ತಲೆ ಹಿಡಿದುಕೊಂಡಿತ್ತು
ಕಿವಿಯ ಗವಿಯೊಳಗೆ
ತಂಗಾಳಿ ಹೊಕ್ಕಿ ...
ಶಿರಕೆ ಮಂಗನ ಟೋಪಿ ಧರಿಸಿ
ಹಣೆಗೆ ಅಮೃತಾಂಜನ ಮೆತ್ತಿ
ನಸೆಯ ಮೂಸಿ ಸೀನುತ್ತ
ಬೆಚ್ಚನೆಯ ಸ್ವೆಟರನು ತೊಟ್ಟು
ಕುರಿಗಂಬಳಿಯ ಹೊದ್ದಿಕೊಂಡು
ಗುಡುಗಿನ ಶಬ್ದವ ಕೇಳಿ
ಯಮನ ಚಾವಟಿಯೇಟೆಂದು
ಕೋಣನ ಸವಾರಿಯ ಮಾಡುತಿರುವನೆಂದು
ಅಜ್ಜಿಯು ಗುಡುಗುತ್ತಿದ್ದಳು...
ಭಯದಿ ಮುದುರಿಕೊಂಡು
ಸಿಡಿಲು ಗುಡುಗಿನ ಜೋಗುಳದಿ
ಮಲಗಿದೆಡೆ ಸ್ವರ್ಗವನಪ್ಪಿದಾನಂದ!!!!


~ಜಿ.ಪಿ.ಗಣಿ~
***********************************************************************************************

Tuesday, November 10, 2015

ಹುಣ್ಣಿಮೆಯ ಚಂದ್ರ


***********************************************************************************************
ಹುಣ್ಣಿಮೆಯಂದು ಕಾಣುವ ನಿನ್ನ
ಗುಂಡಾದ ಮೊಗವ ಮುದ್ದಾಡುವ ಆಸೆ
ಕಪ್ಪು ಕಣ್ಣ ಗುಡ್ಡೆಗಳು ನಿನ್ನಂದದಿ
ಬಿಳುಪಾಗುವುದನು ಎದೆಗಪ್ಪುವಾಸೆ
ಬೆಳಕಲೂ ಜ್ವಾಲೆಯಾಗಿ ಉರಿಯದೆ
ತಂಪನೀಯುವ ನಿನ್ನ ಶಾಂತತೆಗೆ
ನನ್ನನೇ ಅರ್ಪಿಸುವಾಸೆ!


~ಜಿ.ಪಿ.ಗಣಿ~
***********************************************************************************************

Sunday, November 1, 2015

***********************************************************************************************
ಹೆಣ್ಣನು
ಹಣ್ಣೆಂದು ತಿಳಿದೆಡೆ
ರುಚಿಸಬೇಕೇನಿಸುವುದು
ಹೂವೆಂದುಕೊಂಡೆಡೆ
ಮುಡಿಯಬೇಕೆನಿಸುವುದು
ತಾಯೆಂದುಕೊಂಡೆಡೆ
ಪೂಜಿಸಬೇಕೆನಿಸುವುದು
ಮಗುವೆಂದುಕೊಂಡೆಡೆ
ತಾಯಿಯ ಭಾಗ್ಯ ದೊರೆವುದು
ನೋಡುವಾ ನೋಟದಲ್ಲಡಗಿಹುದು
ಮನಗುದುರೆಯ ಲಗಾಮು...
ಹುಚ್ಚೆದ್ದು ಕುಣಿಯದಂತೆ
ಹಾಕಬೇಕು ಕಣ್ಣಪಟ್ಟಿಗಳನು
ಹರಿಹರರನು ಜಾಗೃತಗೊಳಿಸೈ
ಧರ್ಮ ಮಾರ್ಗದೆಡೆಗೆ...!
~ಜಿ.ಪಿ.ಗಣಿ~
***********************************************************************************************

Saturday, October 31, 2015


***********************************************************************************************
ಭೂಮಿಗೂ ಕತ್ತಲೆಯ ನೋವಿಹುದು
ಲೋಕವದು ಅಂತರಂಗ ದರ್ಶನ
ಮೋಡಗಳ ಪೊರೆಯುಹುದು...
ತಿಳಿಯಾದೆಡೆ
ಮುದ್ದಾದ ಚಂದಿರನ ಮೊಗವಿಹುದು
ಧೃವತಾರೆಗಳ ಮಿನುಗುವ ನೋಟವಿಹುದು
ಕಾಣದಾ ಚೇತನನ ಬ್ರಹ್ಮಾಂಡವಿಹುದು
ಅಗೋಚರದ ಅವನಾಜ್ಞೆಯಿಹುದು
ಭೂಮಿಗೂ ಬೆಳಕಿನ ನಲಿವಿಹುದು
ಬಹಿರಂಗದ ಅರಿವಿಹುದು
ಇಂದ್ರಿಯಗಳ ಸಮ್ಮಿಲವಿಹುದು
ತನ್ನ ಸೌಂದರ್ಯದ ದಿವ್ಯದರುಶನವಾಗಿಹುದು
ಹಗಲ ನಶೆಯಲಿ ಇರುಳ
ಮರೆತರಾದೀತೇ
ಇರುಳ ಕೊರಳಲಿ
ಬೆಳಕಿಗುರುಳ ತೊಡಿಸಿದರಾದೀತೇ
ಕಪ್ಪು ಅರಿವಿನ ದೀವಿಗೆ
ಬೆಳಕು ಚೈತನ್ಯಕೆ ಸಾರಿಗೆ!!
~ಜಿ.ಪಿ.ಗಣಿ~
***********************************************************************************************

Friday, October 23, 2015

ಕತ್ತಲಲಿ ಭ್ರೂಣವಾಗಿ
ಹಗಲು-ರಾತ್ರಿಯ ಜಗಕೆ ನಾ ಬಂದೆ ಮಗುವಾಗಿ
ಹುಟ್ಟಿದಾಗ ಕನ್ನಡಿಯಲಿ ನೋಡಿದರೆ
ಕಾಣುತಿತ್ತು ಬರಿ ಬೋಳು ತಲೆ!!
ಪ್ರೌಢ ಹದಿ ಹರೆಯದಿ ಕಂಡಾಗವದು
ಕರಿಗೂದಲಿನ ತಲೆ!!
ಮುದಿ ಹರೆಯದಿ ಕಂಡಾಗ
ಆಗಿತ್ತು ಅದು ಬಿಳಿಗೂದಲಿನ ತಲೆ!!
ಸಾಯುವಾ ಮುನ್ನ ಕಂಡಾಗ
ಅಲ್ಲೊಂದು ಇಲ್ಲೊಂದು ಮಾಸಿರುವ ಸಣ್ಣಗೂದಲಿನ ತಲೆ
ನಂತರ ಪರರು ನೋಡುತ್ತಿದ್ದರು
ಎನ್ನ ಪಟವನು ಕನ್ನಡಿಯಾಗಿ
ಕಾರಣ ಎನ್ನ ಆತ್ಮಶರೀರವಾಗಿತ್ತು;
ಎರಡು ಹೋಳು!

Thursday, October 15, 2015

ಅರಿವಳಿಕೆಯ ನಿದಿರೆ


***********************************************************************************************
ನಿದ್ರಾ ದೇವಿಯು
ನಿತ್ಯ ರಾತ್ರಿಯೋಳ್
ಮೆದುಳಿನೊಳ ತಲುಪುವಳ್ ... 
ಮಾಯಾಂಗಿನಿಯವಳು!
ಎನ್ನಾತ್ಮವಂ ಶರೀರದಿಂ
ಜಾರಿಪಿ ಕದ್ದೋಯ್ದು
ಮರಳಲ್ಲೇ
ಜೋಡಿಪಳೆನಗರಿವಾಗುವುದಾದೊಡಂ
ಮಾಯಾ ಅರಿವಳಿಕೆಯದುವೆನಗೆ!!
~ಜಿ.ಪಿ.ಗಣಿ~
***********************************************************************************************

Friday, October 2, 2015

ಮಾಡಿದ್ದುಣ್ಣೋ ಮಹರಾಯ (ಚಪಾತಿ ಚಪ್ ಚಪ್ )


***********************************************************************************************
ಬೆಂಡೆಯಾ ನಾರನುರಿದು
ಒಗ್ಗರಣೆಯಲಿ ಉಪ್ಪು ಖಾರವ ಬೆರೆಸಿ 
ಗೋದಿಹಿಟ್ಟಿನೊಳು ಕುಸ್ತಿಯನಾಡಿ
ಎಣ್ಣೆಯನಚ್ಚುತ ಕಾವಲಿಯಲಿ
ಗೋದಿ ಮೈಯನು ಕಾಯಿಸಿ
ಬೆಂಡೆ ಈರುಳ್ಳಿ ಸೌತೆಕಾಯಿಯಲಿ
ಮಜ್ಜನಗೈದೆಡೆ ಆ ಕ್ಷಣವೇ ಸೊಬಗು


~ಜಿ.ಪಿ.ಗಣಿ~
***********************************************************************************************

Friday, September 25, 2015

'ಸು'ವಾಸನೆ


***********************************************************************************************
ನಿತ್ಯವೂ ಹರಕೆಯಿಲ್ಲದೆ
ತೀರಿಸುವ ನಿತ್ಯಕರ್ಮಕೆ
ಬಡಿದಿದೆ ಹೊಲಸು ವಾಸನೆ
ಹಲಸಾಗಿ ಮುಳ್ಳಿರುವ ಪೊರೆಕೆಯು
ಗುಡಿಸುವುದು ಕಾಣುವಾ ಕಸವನು
ನಾರಿನಾ ನಡುವಿರುವ ತೊಳೆಯ
ಜೀರ್ಣಕೆ ಕಾದಿರುವುದೀ ಉದರದೊಳಿನ
ಕರುಳ ಎಳೆಯು
ತಿನ್ನುವಾ ಬಲಗೈಗೆ ಕೀರ್ತಿ ಒಲವು
ತೊಳೆಯುವಾ ಎಡಗೈಗೆ ಮೂರ್ತಿ ಫಲವು
ಸೇವಿಸುವ ಗಾಳಿಯಲಿ ಅದೆಷ್ಟು ಸುಗಂಧವೋ
ಬಿಡುವ ಗಾಳಿಯಲಿ ಅಳೆಯಲಾರದಷ್ಟು ದುರ್ಗಂಧವೋ
ಕಸದಲಿನ ರಸವೇ
ಹೊರಸೂಸುವ ಇಂದ್ರಿಯಾನುಭವ ಕಣವು
ಕೊಳೆತು ನಾರದಿರೆ
ಹೇಸಿಗೆಯು ಬಾರದಿರೆ
ಗೊಬ್ಬರಕೆ ಅಸ್ತಿತ್ವವೆಲ್ಲಿಹುದು?
ಮೇಲು ಕೀಳೆಂಬುದು
ಬಾಹ್ಯದೊಳಿರುವುದಷ್ಟೇ ಆಂತರ್ಯದೊಳಿಲ್ಲ
ಮೇಲೆಂಬುದು ಇಂದ್ರಿಯಾಲೋಲ
ಕೀಳೆಂಬುದು ಅಂತರ್ಜಾಲ
ತಿಪ್ಪೆಯಾ ಸಗಣಿಯಲಿ ಬರುವುದು ಬೆರಣಿ
ಸುಟ್ಟು ಬಿಸಿನೀರ ತರಿಸಿರೆ ಮೆದುವಾಗುವಳು
ಚರ್ಮವೆಂಬ ತರುಣಿ
ಹೊಲದಳು ನಾರುತ ಬಿರಿಯುವಳು ತಿನ್ನಲನ್ನವನು ಧರಣಿ
ಕರ್ಮಯೋಗಿಗಳು ನಾವಿಲ್ಲಿ ನೆಪವಾಗಿ
ಕೇವಲ ಕಾಲದ ಹಸಿವಿಗಾಗಿ...
~ಜಿ.ಪಿ.ಗಣಿ~
***********************************************************************************************

Thursday, September 10, 2015

ಧ್ಯಾನ!


***********************************************************************************************

ಮೌನ ಧ್ಯಾನದ್ಯಾತ್ರೆಯೋಳ್
ಕತ್ತಲ ಗವಿಯನ್ ಹೊಕ್ಕು
ಪಂಚೇಂದ್ರಿಯಗಳ ಅಸ್ತಿತ್ವದ
ದರುಶನವು ಕಾಣತಿರ್ಪುದು
ಶೂನ್ಯದಿಂ ಅನಂತದೆಡೆಗೆ...


~ಜಿ.ಪಿ.ಗಣಿ~
***********************************************************************************************

Tuesday, September 1, 2015


***********************************************************************************************
ಸದಾ ಮಗುವಾಗಿ
ನಗುವ ಹೂವಾಗಿ
ಹೊಳೆವ ರವಿಯಾಗಿ
ಶಾಂತ ಶಶಿಯಾಗಿ
ಮನದ ಆಗಸದಿ
ಜೋಕಾಲಿಯಾಡುತಿರುವಾಸೆ!!

~ಜಿ.ಪಿ.ಗಣಿ~
***********************************************************************************************

Monday, August 31, 2015


***********************************************************************************************
ಆಗಸದಿ ತಾಯಿ 
ಹೊತ್ತಿರುವಳು ತನ್ನ ಗರ್ಭದೊಳು
ಮುದ್ದಾದ ಶಶಿಯನು
ಮೋಡದ ಕರುಳಬಳ್ಳಿಯ
ಬಿಡಿಸಿ ಹರುಷದ ಮಳೆಯ
ತರಿಸಿ ನಗುವ ತಂದಿಹನಿದುವೇ
ವಸಂತಮಾಸ!!


~ಜಿ.ಪಿ.ಗಣಿ~
***********************************************************************************************

Sunday, August 23, 2015

ಬದುಕು ಟಚ್ ಸ್ಕ್ರೀನಿನ ಒಳಗೆ!!!


***********************************************************************************************
ಮೂರೊತ್ತು ಉಂಬೋಣ
ಆಗಾಗ್ಗೆ ಮಜ್ಜನ ಮಾಡೋಣ
ಹಲ್ಲು ಗಿಂಜಿ ಸೆಲ್ಫೀ ಹೊಡೆಯೋಣ
ನಿಂತಲ್ಲಿ ಕುಂತಲ್ಲಿ ಸ್ಟೇಟಸ್ ಅಪಲೋಡ್ ಒತ್ತೋಣ
ಒಂದಷ್ಟು ಲೈಕುಗಳು, ಕಾಮೆಂಟುಗಳು
ನಿಮಿಷಕ್ಕೊಮ್ಮೆ ನೋಟಿಫಿಕೇಷನದ್ದೇ ಚಿಂತೆ
ಅವರಿವರ ಕಾಲೆಳೆಯುವುದೇ ಸಂತೋಷವಂತೆ
ಯೋಚಿಸಲೆರಡು ಸೆಕೆಂಡುಗಳ ಸಮಯಕ್ಕೆ ಬರ!!
ಇದೇನಾಯ್ತೋ ಲೋಕಕ್ಕೆ ಅಂಟುರೋಗದಂತೆ
ಹರಡಿದೆ ಟೆಕ್ನಾಲಜಿಯ ಜ್ವರ!


~ಜಿ.ಪಿ.ಗಣಿ~
***********************************************************************************************

Monday, August 10, 2015

Someಸಾರ!!


***********************************************************************************************
ಋಣಾನುಬಂಧರೂಪೇಣ 
ಪಶು ಪತ್ನಿ ಸುತಾಲಯ
ಮೂರು ಗಂಟು ಬಿಗಿದ ಮೇಲೆ
ಪ್ರೇಮಾಲಯ
ಮಕ್ಕಳಾದ ಬಳಿಕ
ಆನಂದ ನಿಲಯ
ವಯಸ್ಸಾದ ನಂತರ ಅನಾಥಾಲಯ
ಆಯಸ್ಸು ಮುಗಿದ ಮೇಲೆ ದೇವಾಲಯ


~ಜಿ.ಪಿ.ಗಣಿ~
***********************************************************************************************

Wednesday, August 5, 2015

ಉಪ್ಪು-(ಉಳಿ-ಕಾರ)


***********************************************************************************************

ಉಪ್ಪು ಉಳಿ ಕಾರ
ಮೂರಿಹುದು ಪಾಕದಲಿ
ಎಲ್ಲವೂ ನಿಂತಿಹವು ಕದನದೊಳು
ನಾ ಮೇಲು-ತಾ ಮೇಲು! ಎಂದು.
ಬಲಿಪಶುವು ಅತಿಥಿ
ಮೂರು ಮುಕ್ತಾಯವಂತೆ...
ರುಚಿಗೆ ರಮಿಸಿ ಅಸ್ತಿತ್ವಕೆ
ಬೆಲೆ ತೆತ್ತಬೇಕಂತೆ!
ಕಾರ ಗಂಡನಂತೆ,
ಹೆಚ್ಚಿದೆಡೆ ಎಲ್ಲಕಡೆ ಉರಿತ!
ಉಳಿ ಮಡದಿಯಂತೆ,
ಹೆಚ್ಚಿದೆಡೆ ಮನವು ಒಡೆತ!
ಉಪ್ಪು ಕೂಸಂತೆ.,
ಇಲ್ಲವಾದೆಡೆ ಬಂಜೆತನದ ಬಂಜರು
ಹೆಚ್ಚಾದೆಡೆ ಆಭಾಸ...
ಇರಲಿ ರುಚಿಗೆ ತಕ್ಕಷ್ಟು
ಇದೇ ಸಂಸಾರದ ಪಾಕಶಾಸ್ತ್ರ!


~ಜಿ.ಪಿ.ಗಣಿ~
***********************************************************************************************

Saturday, August 1, 2015


***********************************************************************************************

ಕತ್ತಲೆಂದರೆನೆಗೆ ಸೊಗಸು 
ಬಾನ ಸ್ಲೇಟಿನಲ್ಲಿ ಭಾವನೆಯ ಅಕ್ಷರಗಳ ಮುದ್ರೆಯು ... 
ಮಿನುಗುವ ತಾರೆಗಳೆನ್ನ ಸ್ನೇಹಿತರು ...
ಅಮ್ಮಯೆಂಬ ಚಂದಿರನ ಮಡಿಲಲಿ
ತಂಪಾದ ಲಾಲಿ ಹಾಡು!!

~ಜಿ.ಪಿ.ಗಣಿ~
***********************************************************************************************

Saturday, July 25, 2015


***********************************************************************************************
ಕಂಡ ಹೂಗಳೆಲ್ಲವನ್
ಮುಡಿಗೇರಿಪಲು ಹಾತೊರೆಪುದು 
ನಮ್ಮೀ ಮನವು...
ಆ ಹೂಗಳನೆಲ್ಲವನದರಪಾಡಿಗಲ್ಲೇ
ತೊರೆದೆಡೆ 
ಮತ್ತಷ್ಟು ಸೊಬಗನು
ಕಾಣ್ಬೆವು!


~ಜಿ.ಪಿ.ಗಣಿ~
***********************************************************************************************

Monday, July 20, 2015


***********************************************************************************************
ಕನ್ನಡಿಯೊಳು ಯಾರೋ
ಅಣಕಿಸಿಹರು
ಕೊಂಚ ಹೊತ್ತು ದಿಗ್ಭ್ರಮೆ!
ನನ್ನದೇ ಬಿಂಬವೇ?
ಎಡ ಬಲವಾಗಿದೆ
ಬಲ ಎಡವಾಗಿದೆ
ಇಬ್ಬರೂ ಸೇರಲಾಗದು!!
ಕಾರಣ
ಸಂದೇಹವೆಂಬ ಮಸೂರದ
ಹಿಂದಿನ ಬಣ್ಣದ ಬರೆ


~ಜಿ.ಪಿ.ಗಣಿ~
***********************************************************************************************

Monday, July 13, 2015

ಧೃವ ತಾರೆ


***********************************************************************************************
ಮುಗಿಲಗಲ ಮನಸಿಹುದು
ನಡುವೆ ನೀ ಧೃವ ತಾರೆ
ತಿಳಿಯಿರುವವರೆಗೂ
ನಿನ್ನದೇ ಧ್ಯಾನ!
ಬಾಳ ಬಂಡಿಯ
ಬಿಡಿ-ಹಿಡಿ ಮೋಡಗಳ
ತೊರೆಯಲಿ ಒಮ್ಮೊಮ್ಮೆ
ನಿನ್ನ ಹುಡುಕಾಡುತ್ತಲೇ ಇರುತ್ತೇನೆ


~ಜಿ.ಪಿ.ಗಣಿ~
***********************************************************************************************

Friday, July 10, 2015

ಕದನವು ಅನವರತ(Law of conservation of energy)


***********************************************************************************************
ಇಲ್ಲಿ ಏನೂ ನಮದಲ್ಲ
ಯಾವುದೂ ಉಳಿಯುವುದಿಲ್ಲ
ಎಲ್ಲವೂ ಒಂದರಿಂದ ಇನ್ನೊಂದು
ಆವ ಶಕ್ತಿಯ ಹುಟ್ಟಾಕಲೂ ಸಾಧ್ಯವಿಲ್ಲ
ಆವ ಶಕ್ತಿಯ ಅಂತ್ಯವೂ ಆಗುವುದಿಲ್ಲ
ತನ್ನೊಂದು ಸ್ಥಿತಿಯಿಂದ
ಮತ್ತೊಂದು ಸ್ಥಿತಿಗೆ
ಕದನವು ಅನವರತ...
~ಜಿ.ಪಿ.ಗಣಿ~
***********************************************************************************************

Friday, July 3, 2015

ಕಾಡುವ ಮನಸು


***********************************************************************************************
ಮುದುರಿಕೊಂಡ ನರಕೇಕೊ
ರಕುತದೊಲವು
ಹೆಚ್ಚಾಗಿದೆ
ಮನಸು ದಿಗಿಲೆದ್ದು
ಹುಚ್ಚಾಗಿದೆ
ಹುಚ್ಚಿನ ಹಿಂದೊಂದು ನೋಟವಿದೆ
ನೋಟದಲೊಂದು ಆಟವಿದೆ
ಆಟದ ಪಾಠದಿ ಹಸಿವಿದೆ
ಆ ಹಸಿವಿಗೆ ಕಾರಣದ
ಹುಡುಕಾಟದೆತ್ನ ನಡೆದಿದೆ
ಹುಡುಕುತ್ತ... ಹುಡುಕುತ್ತ...
ನರದೊಳು
ಕಾಡುವ ಮನಸೇ(ಕಾಮ)
ಆವರಿಸಿದೆ!!


~ಜಿ.ಪಿ.ಗಣಿ~
***********************************************************************************************

Thursday, July 2, 2015

ಮಾವಿನ ವಾಟೆ


***********************************************************************************************
ಮಾವಿನ ವಾಟೆಯಲ್ಲ ಇದು
ಹ್ರದಯದ ಭದ್ರ ಕೋಟೆ
ನನ್ನೆದೆಯ ಮಾವಿನ
ವಾಟೆಯ ಪ್ರೀತಿಯ ಮೇಲಿನ
ತ್ಯಾಗದ ಹಣ್ಣನು
ನೀ ತಿನ್ನುವಾಗ ಉಳಿಸಿದ
ಒಂದೊಂದು ನಿನ್ನ ಖಾರದ
ಹಲ್ಲಿನ ಉಳಿ ಏಟು
ಹಾಗೆಯೇ ಬರೆಯಂತೆ
ಉಳಿದು ಹೋಗಿದೆ...
ಆ ನೋವಿನಲೂ
ಎನ್ನಾ ಬರೆಯ ಕರೆಗಳನು
ಮರೆಮಾಚಿಸಿ
ತನ್ನ ಗರ್ಭದಲಿ ಹೊತ್ತು
ಆ ಭೂತಾಯಿ ಮತ್ತೆ ಹೊಸ
ಜೀವನವನಿತ್ತು ಹೆಮ್ಮರವಾಗಿಸಿ
ನನ್ನಂತೆಯೇ ಅದೆಷ್ಟೋ
ಪ್ರೀತಿಯ ರಸವ ತುಂಬಿದ
ಹಣ್ಣನು ಸ್ರಷ್ಟಿಸಿ
ನೋವನುಣಿಪಲೆಂದೆ
ಆ ವಾಟೆಯೆಂಬ ಹ್ರದಯವನ್
ಕಲ್ಲಾಗಿಸಿಹನು!
ಅದರೊಳಿರುವ ಮತ್ತೊಂದು
ಹೆಮ್ಮರದ ಮೆದು ಮನಸನು
ಹಾಗೆಯೇ ಬಚ್ಚಿಟ್ಟಿರುವನು
~ಜಿ.ಪಿ.ಗಣಿ~
***********************************************************************************************

Tuesday, June 30, 2015

ನೆರಳಿಗೂ ಆಸೆಯಂತೆ!!!


***********************************************************************************************
ನನ್ನದೇ ನೆರಳಿಗೆ 
ಇತ್ತೀಚೆಗೆ ಬಣ್ಣದ ಬದುಕಿಗೆ
ಸೇರುವ ಆಸೆ
ಹುಚ್ಚು ಕಪ್ಪಿಗೇಕೋ
ವ್ಯಾಮೋಹವಂತೆ
ಈ ಶರೀರದಾಕಾರವ ಪಡೆಯಲು
ಒಮ್ಮೊಮ್ಮೆ ನಗುತ್ತದೆ
ಕತ್ತಲಲಿ ನೀ ನನ್ನದೇ ಬಣ್ಣ
ಬೆಳಕಿರೆ ಮಾತ್ರದಿ ನಮ್ಮಿಬ್ಬರ
ಇರುವಿಕೆಯ ಸುಳಿವು
ಇಲ್ಲದಿರೆ ನೀ ಶೂನ್ಯವೆಂದು...
ನಾ ಅನಂತ!
ಆದರೂ ಒಮ್ಮೆ ನೀನಾಗುವ ಆಸೆ
ಆ ಜಡ ಶರೀರದಲಿ ನೆಲಸುವಾಸೆ

~ಜಿ.ಪಿ.ಗಣಿ~
***********************************************************************************************

Sunday, June 28, 2015

ತೇವವಿಲ್ಲದ ತಾವರೆಯ ಎಲೆಯಂತೆ ಈ ಜಡ ಜೀವ ಮತ್ತು ಆತ್ಮ

***********************************************************************************************
ಯಾರೋ ತಟ್ಟುತಿಹರು
ಎನ್ನೆದೆಯೊಳಗಿನ ಕದವನು
ಬಹು ದಿನಗಳಿಂದ...
ಎಷ್ಟೋ ಬಾರಿ
ಅರುಚಿರಲೂಬಹುದು!
ಅರಿವಾಗಲೇ ಇಲ್ಲ.
ಕಾಲಿಂಗ್ ಬೆಲ್
ಕೂಡ ಸುಸ್ತಿಯಲ್ಲಿಲ್ಲ!!
ಅಯ್ಯಯ್ಯೋ! ಎಂತಹ ಪ್ರಮಾದವಾಯ್ತು,
ಹೊರಗಿರುವವರಿಗೆ ಒಳಗೊಬ್ಬರನು
ಬಂಧಿಸಿರುವವರೆಂದು
ಅರಿಯದೇ ಹೋಯ್ತೆ...
ಆರಿರಬಹುದು??
ಪ್ರಶ್ನೆಗೆ ಉತ್ತರವಿಲ್ಲ!!
ಕಾರಣ ಹುಡುಕುತ್ತ ಹೊರಟರೆ...
ಮತ್ತಷ್ಟು ಒಗಟು!!
ಎಲ್ಲಾ ಅಡ್ಡಲಾಗಿರುವ
ಕಂದಕಗಳನು ದಾಟಿ
ಅವರನು ಸೇರಬೇಕಿದೆ!
ತಿಳಿಯದೇ ಮನವು ಹೇಳುತಿದೆ
ಅವರಿಗೆ ಎನ್ನ ಸಹಾಯವು
ಬೇಕಿದೆಯಂದು...
ಅದು ನನ್ನದೇ ಪರಿಧಿಯಂದು
ನನ್ನದೇ ಬಿಂದುವೆಂದು
ಬುದ್ಧಿಯ ಆರಾಮಿನಲಿ
ಹ್ರದಯದಸತ್ಯದಲಿ
ಹುಡುಕಲಾಗದೆ ಹೋಯ್ತೆ...
~ಜಿ.ಪಿ.ಗಣಿ~
***********************************************************************************************

Thursday, June 25, 2015


***********************************************************************************************
ಮದಿರೆಯ ನಿದಿರೆಯಲಿ
ಮುದ್ರೆಯನೊತ್ತಿ
ಕೇಳುತಿಹೆನು
ನಿನ್ನ ಆಗಮನಕಾಗಿ
ಅಂಗೀಕರಿಸುವೆಯಾ ಇಲ್ಲ
ತಿರಸ್ಕರಿಸುವೆಯಾ
ನಿರ್ಧರಿಸುವ ಮುನ್ನ ತುಸು ಯೋಚಿಸು
ಓ ಗುಲಾಭಿ


~ಜಿ.ಪಿ.ಗಣಿ~
***********************************************************************************************

Saturday, June 20, 2015


***********************************************************************************************

ಈ ಹ್ರದಯ ದೇಗುಲದೊಳಿರುವ
ಮೂರ್ತಿಯನು
ಒಂದಿಷ್ಟೂ ಸುಳಿವಕೊಡದೆ
ಲೂಟಿಯೊಡೆದ
ನಿನ್ನ ಕಳ್ಳತನದಾ
ಶೈಲಿಯೇ
ಈ ಹುಚ್ಚು ಪ್ರೀತಿ!!


~ಜಿ.ಪಿ.ಗಣಿ~
***********************************************************************************************

ಗುಲಾಭಿ

***********************************************************************************************
ನಿನ್ನ ನವಿಲುಗರಿಯ ಕಿವಿಯೋಲೆಯ
ಕಣ್ಣ ಲೇಖನಿಯಲೊಂದು ಬಿಂಬವಿದೆ
ಆ ಬಿಂಬದೊಳಿರುವ ಮೊಗದೊಳಗೆಣಿಸಲಾಗದಷ್ಟು 
ಭಾವದ ಖಣಿಯಿದೆ
~ಜಿ.ಪಿ.ಗಣಿ~
***********************************************************************************************

Wednesday, June 10, 2015

ಮದುವೆ ವ್ಯಾಪಾರ DATING ಆಚಾರ!!

***********************************************************************************************
ಹಿಂದೆ ಹೇಳುತ್ತಿದ್ದರು
ಪ್ರತಿಯೊಬ್ಬ 
ಯಶಸ್ವೀ ಗಂಡಿನ ಹಿಂದೆ ಹೆಣ್ಣಿದ್ದಾಳೆಂದು!
ಈಗ ನೋಡುತ್ತಿದ್ದೇವೆ
ಪ್ರತಿಯೊಬ್ಬ ಯಶಸ್ವೀ...
ಗಂಡಸ್ಸಿನ ಹಿಂದೆ ಹೆಣ್ಣು ಓಡುವಳೆಂದು!

***********************************************************************************************

Monday, June 1, 2015

ಹೂವು ನೀನಿದ್ದಲ್ಲಿಯೆ ಎನಗೆ ಕಾಮನಬಿಲ್ಲು!!

***********************************************************************************************
ಓ ಹೂವೆ
ನೀನೇಕೆ ಇಷ್ಟು ಸುಂದರ
ಕಂಡ ಕೂಡಲೇ ಸ್ರಷ್ಟಿಯಾಗಿದೆ 
ಮನದೊಲ್ಲೊಂದು ಮಂದಿರ
ಪೂಜಿಸುವೆನೆ ಹೊರತು
ವ್ಯಾಮೋಹವಲ್ಲ!
ನಿನ್ನ ಹುಟ್ಟಿದ ಅಂಚಿನಿಂದ
ಮೊಗ್ಗಾಗಿ ಸೂರ್ಯನ
ತೇಜಸ್ಸನ್ನು ಪಡೆದು
ನಿಲ್ಲುವಾ ನಿನ್ನ ಪರಿಯ
ಕಣ್ತುಂಬಿಕೊಳ್ಳುವ ಆಸೆ!!
ಕಿರಣಗಳ ನಡುವೆ ಮಸುಕಾದ
ಮಂಜಿನಲಿ ಮುತ್ತನಿಡುವ
ಆ ರಸ ನಿಮಿಷವ
ಸ್ಪರ್ಷಿಸುವಾಸೆ!!
ತಂಗಾಳಿಯೊಡನೆ ಸಂಭಾಷಣೆಗಿಳಿಯುವ
ಆ ನಿನ್ನ ನರ್ತನದ ಸದ್ದನು
ಕಿವಿಗೆ ಕೇಳುವ ಆಸೆ!
ಕಣ್ಣಿಗೆ ಸೆರೆಯಿಡಿಯುವ ಆಸೆ!
ನಿನ್ನಲ್ಲಿನ ಸವಿಯ ಆ ಪಾಕವನು
ಪತಂಗಕೆ ಇತ್ತು
ಅದರ ರೆಕ್ಕೆಯಲಿ ಬಣ್ಣವಾಗಿ ಬರುವಾಗ
ನನ್ನೆದೆಯೊಳಗೊಂದು ಪುಷ್ಪವು
ಚಿಗುರಿ ಆ ಪತಂಗವಾಗಿ ಹಾರತೊಡಗಿತ್ತು!
ಇನಿತು ನೀ ಜೀವಂತವಿರೆ ಈ ಆತ್ಮಕೆ
ಎಲ್ಲಿಲ್ಲದ ಸಂತೋಷ...
ನಿನ್ನ ಮಡಿಲ ಬೇರನು ಕಿತ್ತು
ಆ ಕುಂಡದಲಿ ಇರಿಸೆ
ನಿನ್ನ ಆ ಸೊಬಗನು
ಅದನು ಕಾಣುವ
ಎನ್ನಾತ್ಮವನೆಂದಿಗೂ
ಬೇರ್ಪಡಿಸೆನು....
***********************************************************************************************

ಕನಸು

***********************************************************************************************
ಆರದೋ ಮುಖದ ನಗುವಾಗುವಾಸೆ
ನಗುವಿನೊಳಗಿನ ಮಗುವಾಗುವಾಸೆ
ದುಃಖ ತುಂಬಿದ ಮೋಡದ ನಡುವಿನೊಳು
ಬರುವ ಬೆಳಕಿನ ಕಾಮನಬಿಲ್ಲಾಗುವ ಆಸೆ
ನಾನು ನಾನಾಗದೆ ಉಸಿರಿಗೆ ಉಸಿರ ಕೊಡುವ ಗಾಳಿಯಾಗುವಾಸೆ
ಸಾವಿನಂಚಲಿರುವ ಬಾಯಿಗೆ ಬೀಳುವ ಗಂಗಾಜಲವಾಗುವಾಸೆ
ಕತ್ತಲಲಿ ಚಂದ್ರನಾಗಿ ಬೆಳದಿಂಗಳ ಬೀರುವಾಸೆ
ಸೂರ್ಯನಂತೆ ಪ್ರಜ್ವಲಿಸುತಲಿ
ಲೋಕದ ಅಂದವನೆಚ್ಚಿಸುವಾಸೆ...


***********************************************************************************************

Sunday, May 31, 2015

ಆಮಶಂಕೆ

***********************************************************************************************
ಇತ್ತೀಚೆಗೇಕೋ ಭಾವನೆಗಳಿಗೆ
ಅತಿ ಸಾರ ಆಮಶಂಕೆಯ
ಒಡೆತ.. 
ಏನೇ ನೆನಪುಗಳನು ತಿಂದರೂ
ಅದು ನಿಲ್ಲುತ್ತಿಲ್ಲ ...
ಓ.ಆರ್.ಎಸ್ ಪುಡಿಯಾಗಿ
ಒಮ್ಮೆ ಎನ್ನ
ತಡೆಯಿಲ್ಲದೆ ಭಾವನೆಗೆ
ಅಲ್ಪ ವಿರಾಮವನಾದರೂ ನೀಡುವೆಯಾ !!


***********************************************************************************************

Wednesday, May 20, 2015

***********************************************************************************************
ಬರುವಾಗ ನಾನಳುತಿದ್ದೆ
ಕಣ್ಣ ರೆಪ್ಪೆಯನೂ ತೆರೆಯದೆ!!
ಸುತ್ತರೆಲ್ಲರೂ ನಗುತಿದ್ದರು
ಬಂದೆಯಾ ಗುಗ್ಗು ಅನುಭವಿಸು
ಹಾಳು ಮಾನವ ಜನುಮವನ್ನೆಂದು!!
ಹೊರಡುವಾಗ ನಾನಗುತ್ತಿದ್ದೆ
ಸದ್ಯ ಮುಕ್ತಿ ದೊರೆಯುತಿಹುದೆಂದು!
ಅವರು ಅಳುತ್ತಿದ್ದರು ಇಷ್ಟು ಬೇಗನೆ
ಹೊರಟು ಹೋದೆನಲ್ಲಾ ಎಂದು!

***********************************************************************************************

Sunday, May 10, 2015

ಅಗೋಚರ!

***********************************************************************************************

ಪರಿಚಿತ ಜನಗಳ ಮುಂದೆ
ಅಪರಿಚಿತನಂತೆ
ಆಗಸದಿ ಅತೀ ಎತ್ತರದಿ
ಹಾರಾಡುವ ಹದ್ದಿನಂತೆ
ಕತ್ತಲೆಯ ಕನ್ನಡಿಯಲ್ಲಿ
ಪ್ರತಿಬಿಂಬವ ಹುಡುಕುತಿರುವ
ಹುಚ್ಚು ಮನಕೆ
ಅದೇನಾಗಿದೆಯೆಂದು
ಆವ ಪಂಚೇಂದ್ರಿಯಗಳ ಅರಿವಿಗೂ ಬರುತ್ತಿಲ್ಲ


***********************************************************************************************

Friday, May 1, 2015

ಆತ್ಮದೇವತೆ

***********************************************************************************************
ನೀ ಮರೆತರೂ
ನೀನನ್ನಗಲಿದರೂ
ಈ ಹುಚ್ಚು ಹ್ರದಯದ
ಬಡಿತದಿ ಕೇವಲ ನಿನ್ನದೇ ಕೂಗು
ಪ್ರತಿ ಮಿಡಿತದಲೂ ನಿನ್ನದೇ ಧ್ಯಾನ
ಆತ್ಮದೇವತೆಯಂತೆ ನೀನೆಗೆ!
ಆವ ಅಪೇಕ್ಷೆಯೂ ಎನಗಿಲ್ಲ
ನಿನ್ನಯ ನೆನಪಿನ ಅಮಲಿನಲ್ಲೇ
ಎನ್ನೆದೆಯ ಕಳಶಕೆ ನಿತ್ಯವೂ
ಅಭಿಷೇಕ!!
ತ್ರಪ್ತನಾಗುವನಾ ಪರಮಾತ್ಮ...
ನಿಷ್ಕಲ್ಮಶ ಪ್ರೀತಿಯ ಬಕುತಿಯಲ್ಲಿ!!!

***********************************************************************************************

Thursday, April 30, 2015

ಫಸಲು!!

***********************************************************************************************
ತಲೆಗೂದಲುಗಳಂತೆ ಅದೆಷ್ಟು
ಆಲೋಚನೆಗಳು ಎದೆಯ ಹೊಲದಳು
ಬೇರೂರಿಹವೋ ...
ಅಲ್ಲಲ್ಲಿ ಕಾಣಸಿಗುವವು ಬಿಳಿಗೂದಲು
ಬೆಳೆಯ ನಡುವಣವೂ ಕಳೆಯ ಸಾಲು
ಫಸಲಿನ ಇಳುವರಿಗಾಗಿ ಕ್ರತಕ ಗೊಬ್ಬರದ
ಸಿಂಪಡಣೆ!
ಬರುವ ಫಸಲುಗಳಲೆಲ್ಲ
ರೋಗದ ಛಾಯೆ!!

***********************************************************************************************