ನಲ್ಮೆಯ ಗೆಳೆಯ -ಗೆಳತಿಯರಿಗೆಲ್ಲ ನನ್ನ ಹೃದಯವಾಣಿಗೆ ಪ್ರೀತಿಯ ಆದರದ ಸ್ವಾಗತ... ನನ್ನ ಮನದಾಳದ ಮಾತು ಇಲ್ಲಿ ಬಿಂಬಿಸಿದ್ದೇನೆ ಬಿಡುವಿದ್ದಾಗ ಓದಿ ಮನಸ್ಸಿನ ನೋವನ್ನು ಸ್ವಲ್ಪ ಹಗುರ ಮಾಡಿಕೊಳ್ಳಿ ಜೊತೆಗೆ ಸಲಹಿ ಹಾರೈಸಿ :))

Search This Blog

Wednesday, May 16, 2012

ಜಿಜ್ಞಾಸೆ

***********************************************************************************************






ಮನದಲ್ಲಿ ಮೂಡಿದ 
ಬಕುತಿ, ಶಿರವ ಸೇರದೆ 
ನೆಲಕಚ್ಚಿ ಅಣಕಿಸುತಿದೆ!!
                     -ಗಣಿ 
***********************************************************************************************

ಬೆಪ್ಪತಕಡಿ

***********************************************************************************************
ನಿನ್ನ ಹೊಂಡವ ನೀನಲ್ಲದೆ 
ಮತ್ಯಾರು ತೆಗೆಯಲಿಲ್ಲ 
ಅದರಲ್ಲಿ ಬಿದ್ದೆದ್ದು ಕೇಳುವ 
ಈ ಹುಚ್ಚು- ಮನವ  ಕಂಡು 
ನಗಬೇಕೋ -ಅಳಬೇಕೋ 
ತಿಳಿಯುತ್ತಿಲ್ಲ -ಶಂಭುಲಿಂಗ 
                 -ಗಣಿ 
***********************************************************************************************

ಆಹ್ವಾನದ ಕವಿತೆಗೊಂದು ಪ್ರತ್ಯುತ್ತರ

***********************************************************************************************
ಬರುತಿಹೆನು ಗೆಳೆಯ
ನಿನ್ನಯ ಆಹ್ವಾನದ ಕೂಟಕೆ ,
ಚಪ್ಪರಿಸಿ ತಿಂದು ತೇಗಲು
ಕಾಯುತಿಹುದು ನನ್ನ ಹೊಟ್ಟೆ
ನೀ ಮಾಡಿಟ್ಟ ಊಟಕೆ ,
ಹಸಿರೊತ್ತ ಭೂ ತಾಯಿಯ
ಹಾಸಿಗೆ ಸಾಕು ,
ತಂಪು - ಇಂಪಾಗಿ ಹಾಡುವ
ಸವಿಯಾದ ಗಾಳಿ ಬೇಕು .
ಎಲ್ಲವನು ಉಣಬಡಿಸುವ
ನೀ ಇತ್ತ ಈ ಪ್ರೀತಿಯ
ಕವಿತೆ ಸಾಕು !
                    -ಗಣಿ 
***********************************************************************************************

Tuesday, May 15, 2012

ಮೂಕವೇದನೆ

***********************************************************************************************
ವಿಸ್ಮಯ ಜಗದಿ ಅಳಲಾಡುವ 
ಬರಡು ದೇಹವೇ,
ನಿನ್ನೊಳಗಿನ ಆತ್ಮಕೆ 
ಇಷ್ಟೊಂದು ತಳಮಳವೇಕೆ ?
ಬೆಂಬಿಡದ  ಬೇತಾಳನ 
ಹಾಗೆ ಕಾಡುವೆ ಏಕೆ ?
ಮೂಕ ವೇದನೆ 
ನಾ ತಾಳಲಾರೆ 
ತಾಳಲಾರೆ !!

-@(-ಗಣಿ -)@-
***********************************************************************************************

Monday, May 14, 2012

ಪ್ರೀತಿಸುವ ಹೃದಯಕೆ

***********************************************************************************************
ಪ್ರಾಣವ   ಬಿಡದೆ 
ಪ್ರೇಯಸಿಯ ಒಲಿಸಲು 
ಮುಂದಾಗು ಮನವೇ ,
ನಿನ್ನ ಪ್ರೀತಿಯು 
ಅಚಲವಾದರೆ 
ಅದಕಿಲ್ಲ ಸಾವು ,
ಪ್ರಜ್ಞೆ  ತಪ್ಪಿದರೆ 
ನೀ ಸಹಿಸಲಾರೆ 
ಅದಕಾಗುವ ನೋವು ,
ಭಕ್ತಿಯನೊತ್ತ ಪ್ರೇಮ 
ಪೂಜಾರಿಯಾಗು ಮನವೇ 
ಭಕ್ತಿಯ ಮೆಚ್ಚಿ ಒಲಿಯದೆ 
ಪ್ರೇಮದೇವತೆ ಇರಳು!!
                          -ಗಣಿ 
***********************************************************************************************

ಓ ಮನಸೇ

***********************************************************************************************

ಓ ಮನಸೇ,

ನೀ ಕಲ್ಲೆಂದು ತಿಳಿದಿದ್ದೆ

ಆದರದು ಕರಗಿ ನೀರಾಯ್ತು

ನಿನ್ನ ಮರೆಯಬೇಕೆಂದಿದ್ದೆ

ಆದರೆನ್ನ ಮನದಲಿ

ಕವನ ಶುರವಾಯ್ತು

ನಿನ್ನ ಅಂದು ನಾ ಜರಿದಿದ್ದೆ,

ಆದರಿಂದು ,

ನನ್ನ ಏಕಾಂತವ ಮರೆಸಲು

ನೀ ಸವಿ ನೆನಪುಗಳ ಉಳಿಸಿದ್ದೆ !

-@(-ಗಣಿ -)@-
***********************************************************************************************

Thursday, May 10, 2012

ನನ್ನ ಅಪ್ಪಾಜಿ

***********************************************************************************************
ಅಪ್ಪಾಜಿ ನಿಮ್ಮ  ೫೦ನೇ  ಹುಟ್ಟು ಹಬ್ಬಕ್ಕೆ ನನ್ನ  ಪ್ರೀತಿಯ  ಉಡುಗೊರೆ :):)
ಶುಭಾಶಯ ನಿಮಗೆ 
ಜನುಮ ದಿನದ ಶುಭಾಶಯ
ಅರ್ಧ ಶತಕವ ಭಾರಿಸಿ
ನೋವು - ನಲಿವೆಂಬ 
ಅಳಲಿನ ಜೀವನವ  ಕಳೆದು 
ಮತ್ತೆ ಶತಕದ ಹಾದಿಯೂ 
ಹರಸಿ ಬರಲಿ ಎಂದಾಶಿಸುತ್ತ
ಬಣ್ಣಿಸುತಿಹೆನು ನಿಮ್ಮಯ 
ವ್ಯಕ್ತಿತ್ವದ ಗುಣಗಾನ !!



ಹುಟ್ಟು ಶ್ರಮ ಜೀವಿ ನಮ್ಮ ಅಪ್ಪಾಜಿ 
ಪರರ ಸಹಾಯ ಬಯಸದ ಸ್ವಾಭಿಮಾನಿ 
ಹೆಚ್ಚು ಓದಿ ತಿಳಿದವರಲ್ಲ , ಆದರೆ 
ಬದುಕು ಕಲಿಸಿದ ಪಾಠವ ತಿಳಿಯದೆ ಬಿಟ್ಟವರಲ್ಲ ,
ಹುಟ್ಟು ರೈತನಾಗಿ , ತಂದೆಯಿತ್ತ ಭೂತಾಯಿಯ 
ಮಗನಾಗಿ , ಸತಿಗೆ ತಕ್ಕ ಪತಿಯಾಗಿ 
ಸಾಗಿತ್ತು ಬದುಕು ನಿರಂತರವಾಗಿ ,
ಅಲ್ಪ ವಿದ್ಯೆಗರಸಿಬಂತು ಪೋಲಿಸ್ ಪೇದೆಯ ಹುದ್ದೆ ,
ಶಿಸ್ತಿನ ಸಿಪಾಯಿಯಂತೆ ಮನ ತುಂಬ ಹರುಷ ತುಂಬಿದ್ದೆ ,
ಮಕ್ಕಳಿಗೆ ತಕ್ಕ ತಂದೆಯಾಗಿ ,
ಪರರಿಗೆ ಹಿತ ಬಯಸುವ ಸ್ನೇಹಿತನಾಗಿ ,
ಸಂಸಾರವೆಂಬ ರಥವನೋಡಿಸುವ 
ಸಾರಥಿಯಾಗಿ ಮೆರದಿದ್ದ ಛಲಗಾರ .
ಕಿಸೆಗೆ ಸಿಕ್ಕ ಹಣವ ಅನ್ಯಥಾ ವ್ಯರ್ಥ 
ಮಾಡದ ಸದ್ಗುಣ-ಸಂಪನ್ನ ,
ಕೇಳಿದನೆಲ್ಲ ಕಷ್ಟವಾದರೂ  ವರದಂತೆ ನೀಡುವ ದೇವ,
ತಂಬಾಕು- ಸಾರಾಯಿಗಳ ಸಹವಾಸವಿಲ್ಲದ 
ಸನ್ನಡತೆಯ ಸಿಪಾಯಿ ,
ಪರರಿಂದ ಅಪೇಕ್ಷಿಸದೆ ಕೈ ನೀಡುವ ನಿಸ್ವಾರ್ಥಿ ,
ಒಮ್ಮೊಮ್ಮೆ ಕೆರಳಿದರೆ ಉಗ್ರನರಸಿಂಹನಂತೆ ,
ನಕ್ಕು - ನಗಿಸುವಾಗ ಮುಗ್ದ ಮಗುವಿನಂತೆ ,
ಮನದೊಳಗೆ ಕೆಂಡವ ಹೊತ್ತಿದ್ದರೂ 
ಹೊರಗೆ ಹೊಗೆಯೂ ಸುಳಿಯದಂತೆ 
ಹೊಸಕು-ಹಾಕುವ ನಿಸ್ಸೀಮ,
ಮಕ್ಕಳಿಗಾಗಿ ಎಲ್ಲ, ತನಗಾಗಿ ಏನೂ ಇಲ್ಲ ,
ತಪ್ಪು -ತಿದ್ದಲು ಮಕ್ಕಳ ದಂಡಿಸಿ ಹೋದರೆ 
ಬಡಿದನೆಂದು ತಾನೇ ಅಳುವ 
ಹೆಣ್ಣು ಮನಸಿನ ಭಾವ ಜೀವಿ ,
ಬಡವರೆಂಬ ಭಾವತರಿಸದೇ , ಶ್ರೀಮಂತರಾಗುವ 
ಮದವ ಬೆಳಸದೆ , ಇದ್ದ ಕೈ ಬರಿ ಮಾಡಿಕೊಳ್ಳದೆ ,
ಕೊಡುವವನು ಕೊಡುತಾನೆ , 
ದುಡಿದು ತಿನ್ನುವುದು ಸರಿತಾನೆ ,
ಪರರ ನೋಯಿಸದ ಸಹೃದಯಿಯಾಗು 
ಗುರು ಹಿರಿಯರಲ್ಲಿ ವಿನಯನಾಗು 
ಅನ್ಯರು ಬೊಟ್ಟು ಮಾಡಿ ತೋರಿಸುವ 
ಕೆಟ್ಟ ಹುಳು ನೀನಾಗದಿರು ಎಂದು ನಿಮ್ಮದೇ ಧಾಟಿಯಲಿ 
ಹೇಳುವ ಅಪ್ಪಾಜಿ ಇದೋ ನಿಮ್ಮ ಪಾದಪದ್ಮಂಗಳಕೆ ನನ್ನ 
ಭಕ್ತಿಪೂರ್ವಕ ನಮನಗಳು !!!!

-@(-ಗಣಿ -)@-
---------------------------------------------------------------------------------------------------------------
        ನಾವೆಲ್ಲರೂ ಯಾವುದಾದರು ಕಾರಣಕ್ಕಾಗಿ ಅಪ್ಪ - ಅಮ್ಮನನ್ನು ದೂಷಿಸುವುದು ಸರ್ವೇ -ಸಾಮಾನ್ಯ , ಅದರಲ್ಲೂ ಅಪ್ಪನನ್ನು ಅಪರಾಧಿಯನ್ನಾಗಿ ಮಾಡಿ ನೀವು ನನಗೆ ಅದು ಕೊಡಿಸಲಿಲ್ಲ -ಇದು ಕೊಡಿಸಲಿಲ್ಲ , ನೀವು ಹಾಗೆ ಮಾಡಬಹುದಿತ್ತು -ಹೀಗೆ ಮಾಡಬಹುದಿತ್ತು , ನಿಮಗೆ ನನ್ನ ಮೇಲೆ ಪ್ರೀತಿಯೇ ಇಲ್ಲ . ಎಂದು ಜರಿಯುವುದು ಕಟು- ಸತ್ಯ .ಅದು ನಮ್ಮ -ನಿಮ್ಮ ತಪ್ಪಲ್ಲ ಬಿಡಿ , ಬಾಹ್ಯ - ಲೋಕದ ವ್ಯಾಮೋಹಕ್ಕೆ ಸಿಕ್ಕು ಈ ರೀತಿ ಅಪ್ಪ- ಅಮ್ಮಂದಿರೊಂದಿಗೆ ಕಸಿ -ವಿಸಿ , ಮನಸ್ತಾಪ ಮಾಡಿಕೊಳ್ಳುತ್ತಲೇ ಇರುತ್ತೇವೆ . 
        ಆದರೆ ನಾವೆಷ್ಟೇ ತಪ್ಪು ಮಾಡಿದರು ಅದನ್ನು ಕ್ಷಮಿಸಿ , ತಿದ್ದು -ಬುದ್ದಿ ಹೇಳುವ ಅಧಿಕಾರ ಅಪ್ಪಂದಿರಗಲ್ಲದೆ ಮತ್ಯಾರಿಗಿದೆ ನೀವೇ ಹೇಳಿ . ತಪ್ಪನ್ನು ತಪ್ಪೆಂದು ಹೇಳದೆ , ಮಗ/ಮಗಳಲ್ಲಿ ಸದ್ಗುಣವ ಬೆಳೆಸದಿರೆ ಅಪ್ಪನ ಸ್ಥಾನಕ್ಕೆ ಬೆಲೆಯಲ್ಲಿ ?
ಬುದ್ದಿ ಬಲಿಯುವತನಕ ಕೊಂಕು ಮಾತನಾಡಿ ಈ ಮಾಯಲೋಕದಿಂದ  ತಿರಸ್ಕೃತಗೊಂಡಾಗ  ಎದೆ ಬಿಚ್ಚಿ ತಬ್ಬಿಕೊಂಡು ಬೆಂಬಲಿಸುವರೇ ಅಪ್ಪ , ತಂದೆಯ ಮಾತುಗಳು ಕಾರವಾದರೂ ಅದರೊಳಗಿನ ಸತ್ವವನ್ನು ತಿಳಿಯಲು ಯತ್ನಿಸುತ್ತಾ ಹೋದರೆ ನೀವು ಕಲಿತ ವಿದ್ಯೆಗೆ ಮತ್ತು ಕಲಿಸಲು ಶ್ರಮಿಸಿದ ತಂದೆಗೆ ಸಿಗುವ ಸಂತೋಷಕ್ಕೆ ಪಾರವೇ ಇರುವುದಿಲ್ಲ . ನಾವೆಷ್ಟೇ ಬೆಳೆದರು ಮಕ್ಕಳಂತೆ ಸಾಕಿ - ಸಲಹಿದ ಹೆತ್ತೆವರನ್ನು ; ನಾವು ಬೆಳದಂತೆ ಅವರನ್ನು ಮಕ್ಕಳ ಭಾವನೆಯಿಂದ ನೋಡಿದರೆ ಮಾತ್ರ ಸಂಸಾರದ ಸಾರ ಅಳಿಯದೆ ಉಳಿಯುವುದು :):):)
***********************************************************************************************

Tuesday, May 8, 2012

ಸಾಂತ್ವಾನ

***********************************************************************************************

ಅತ್ತುಬಿಡು ಗೆಳೆಯ   
ಕಣ್ಣೀರು ಬತ್ತಿ 
ಹೋಗುವ ತನಕ !
ಮನದಾಳದ ನೋವು 
ಹೊರ ಹಾರುವ ತನಕ !

-@(-ಗಣಿ -)@-


***********************************************************************************************

ಮೊದಲು ಮಾನವನಾಗು

***********************************************************************************************



ನಿನ್ನ ಮನದ 
ಕಸವ ರಸವಾಗಿಸುವ 
ಕಾರ್ಯದಲಿ ನೀ 
ತೊಡಗು ,
ನಿನ್ನ ಭಕ್ತಿಯೆಂಬ 
ಭಾವದಲಿ ನೀ 
ಮುಳುಗು ,
ನಿನ್ನ ನೀ
ಅರಿಯಲು
ಮುಂದಾಗು,
ಮೊದಲು ಮಾನವನಾಗು !!
-@(-ಗಣಿ -)@-
***********************************************************************************************

Saturday, May 5, 2012

ಕಲೆಯ ಭಕ್ತಿ

***********************************************************************************************


ನಾ ಚಿತ್ರಗಾರನಲ್ಲ,
ಆದರೂ  ಚಿತ್ರ ಬರೆಯುವೆ !
ನಾ ಕವಿಯಲ್ಲ ,
ಆದರೂ  ಕವನ ಬರೆಯುವೆ !
ಚಿತ್ರ ಬಿಡಿಸಿ ,ಅದಕೆ 
ಕವನ ಪೋಣಿಸಿ ಹೇಳುವ 
ಪರಿಯಂತೂ ನನಗೆ 
ತಿಳಿದೇ ಇಲ್ಲ !! ಆದರೂ 
ಪ್ರಯತ್ನವ ನಾ
ಮಾಡದೆ ಬಿಡೆನು!


-@(-ಗಣಿ -)@-
***********************************************************************************************

ವಿಪರ್ಯಾಸ

***********************************************************************************************




   ಮನದೊಳು ಏಳುವ 
   ಅಲೆಯ ರಭಸಕೆ
   ತಡೆಯೊಡ್ಡುವ ನಾವಿಕ 
   ನೀನಾಗ ಬಯಸಿದರೆ, 
   ನಿನ್ನಿಂದಾದ ಅಲೆಯು,
   ಅಪ್ಪಳಿಸದೇ ಮುದ್ದಿಸುವುದೇ !!

  -@(-ಗಣಿ -)@-
***********************************************************************************************

ಪ್ರೀತಿಯ ಅಮಲು

***********************************************************************************************


ಒಂದು ಆತ್ಮದಲ್ಲಿ 
ನೀ ಬಿತ್ತ ಪ್ರೀತಿಯ 
ಬೀಜವ ನೋಡೋ ,
ಬೀಜ ಮೊಳೊಕೆಯೊಡೆದು  
ಸಸಿಯಾಗಿ ಹೊರ ಬರುತಿರುವ 
ಪರಿಯ ನೋಡೋ,
ಸಸಿಯಾಗಿ ಹೂವಿತ್ತು
ಬೇಡಿ ಅರ್ಧನಾರೀಶ್ವರ-
ನಾಗಬೇಕೆಂಬ ಬಯಕೆಯ 
ಒಮ್ಮೆ ನೀ ನೋಡೋ -ಶಂಭುಲಿಂಗ


-@(-ಗಣಿ -)@-
***********************************************************************************************

ಮೌನ ಬೇಡ ಮನವೆ

***********************************************************************************************

ಭಾವದೊಳು ಮುಳುಗಿ 
ಏಳುವ ಅಲೆಯ ರಭಸದ 
ಒಡೆತಕೆ ಸಿಗದೇ ನಿಲ್ಲಲು
ಒಮ್ಮೆ ನೀ ಮಾತಾಡು ಮನವೆ !!
ಏಕಾಂತವು ಕಾಡುವ ಮುನ್ನ , 
ಬಾಳು ಗೋಳೆಂದು
ಕೂರುವ ಮುನ್ನ ,
ಹೀಗೆ ಕಲ್ಪನೆಯ ಬೆನ್ನಟ್ಟಿ
ಹೊರಡುವ ಮುನ್ನ ,
ಒಮ್ಮೆ ನೀ ಮಾತಾಡು ಮನವೆ!!
-@(-ಗಣಿ -)@-
***********************************************************************************************

ಈ ಪ್ರೀತಿ ಇಷ್ಟೇನೆ !

***********************************************************************************************



ಕಣ್ಣಂಚಿನಲಿ ಪನ್ನೀರು 
ನೀನಿದ್ದ ತನಕ ,
ಈಗದು ಬರೀ ಕಣ್ಣೀರು 
ನೀ ನನ್ನ ತೊರೆದ ಬಳಿಕ !

-@(-ಗಣಿ -)@- 
***********************************************************************************************

ಪ್ರೇಯಸಿಯ ಪ್ರೇಮ

***********************************************************************************************


ಒಲುಮೆ ಸಿರಿಯಾ ಉಂಡು
ಇನಿಯನಂತರಾಳದಲಿ
ಮಿಂದು , ವಿರಹದ ಬೇಗೆಯಲಿ
ಬೆಂದು , ಮೂಡುತಿಹುದು
ಮತ್ತೆ ಪ್ರೀತಿಯ - ಉನ್ಮಾದದ ,
ಸೆಲೆಯ ಬೆಂಕಿ ಚೆಂಡು ,
ಅದನು ಸ್ಪರ್ಶಿಸಿ ನಲಿವಾಸೆ ,
ಇನಿಯನ  ಕಂಗಳಲ್ಲಿ
ಕಳೆದು ಹೋಗುವ ಆಸೆ ,
ಆಹಾ  ! ಪ್ರಿಯೆ ,  ನಿನ್ನ  ಪ್ರೇಮದ
ಪರಿಯ ಕಂಡು ,ನನಗೆ
ಅದ ಕೊಂಡಾಡುವ ಆಸೆ !!

-@(-ಗಣಿ -)@-
***********************************************************************************************

ತೆನ ವಿನ ತೃಣ ಮಪಿ ನ ಚಲತಿ

***********************************************************************************************





ನಾನು ನಾನೆಂಬ
ಅಂಧಕಾರದಲಿ
ಪರಿತಪಿಸದೆ,
ಪರಬ್ರಹ್ಮಾದಿ ಅಂಶದಿ
ಜನಿಸಿದ ನೀನು ,
ಅಣು - ಅಣುವಿನಲ್ಲು
ದೈವತ್ವವ  ಕಾಣೋ-ಶಂಭುಲಿಂಗ
                   -ಗಣಿ
***********************************************************************************************

ಯಶಸ್ಸು


***********************************************************************************************


ಯಶಸ್ಸು ಅದಕೆ
ಬೇಕಿಲ್ಲ ವಯಸ್ಸು,
ಅದು ನಮ್ಮ ಕಪಿ
ಮುಷ್ಟಿಯಲ್ಲಿದ್ದರೆ 
ಹೆಚ್ಚಾಗುವುದು 
ನಮ್ಮಯ ವರ್ಚಸ್ಸು ,
ಇಲ್ಲವಾದರೆ ಮತ್ತೆ 
ಮಾಡ ಬೇಕಾದೀತು ತಪಸ್ಸು!!
-@(-ಗಣಿ -)@-
***********************************************************************************************

ಕನಸು

***********************************************************************************************



ಪರರಿಂದ ನಿರೀಕ್ಷಿಸುವ 
ಪರಿಯೇ ಕನಸು 
ಅದು ನನಸಾದರೆ
ಆಹಾ !ಎಂತಹ 
ಸೊಗಸು ,
ನನಸಾಗಾದೆ
ಹಾಗೆ ಉಳಿದರೆ 
ಜೀವನವಿಡೀ 
ಬರಿ ಮುನಿಸು!

-@(-ಗಣಿ -)@-
***********************************************************************************************

ಹನಿಗವನದ ಮುನ್ನುಡಿ ಬರೆದವರು

***********************************************************************************************


ಕಾಲಹರಣಕೆಂದು ಬಂದ 
ಕೈಗಳಿಗೆ  ಹುಚ್ಚೆಬ್ಬಿಸಿ ,
ಕಾವೇರಿಸಿತ್ತು ಜಡವಾಗಿದ್ದ 
ಕಬ್ಬಿಣದ ಮನಕೆ,
ಕಾದಿದ್ದ ಆ ಕಬ್ಬಿಣಕೆ
ನಿಮ್ಮಯ ಅನುಭವದ 
ಕವನವೆಂಬ ಸುತ್ತಿಗೆಯನಿತ್ತು ,
ಕವಿಯೊಳಗೊಬ್ಬ ಕವಿಯಾಗಿ 
ಹನಿಗವನವ ಬರೆಯಲು
ಮುನ್ನುಡಿ ಇತ್ತವರೇ,
ಇದೋ ! ನಿಮಗೆ ವಿಶ್ವಾಸದ 
ಸ್ಪೂರ್ತಿಗವನಗಳ  ಮಾಲೆಯನು ತೊಡಿಸುತಿಹೆ!!!
ಹಾರೈಸಿ, ಮನಪೂರಕ ಹರಸಿ :):):)


ಮಾತಿಗಿಳಿದರೆ ಹರಟೆಮಲ್ಲನಂತೆ ಮಾತಿಗೆ ಮರು ಮಾತು ಸೇರಿಸುವೆನೆಂದು ನನ್ನ ಒಡನಾಡಿಗಳು ಹೇಳಿದ್ದರು , ಆದರೆ ಕವನಕೆ ಮರು ಕವನವ ತರಿಸುವಷ್ಟು ನಿಮ್ಮ ಕವಿತೆಗಳು ಸ್ಫೂರ್ತಿ ನೀಡಿವೆ ಎಂದರೆ ನನಗೆ ನಂಬಲಾಗುತ್ತಿಲ್ಲ :) ಹನಿಗವನವ ನಾ ಹಿಂದೆ ಕೇಳಿದ್ದೆ ಮೆಚ್ಚಿದ್ದೆ ,  ಮತ್ತೆ  ಈಗಿನ ದಿನಗಳಲಿ ಕೇಳುತಿರುವೆ   ಆದರೆ ಮೆಚ್ಚಿ ನಿಮಗೆ ಇತ್ತ ಅಭಿಲಾಷೆಯ  ಜೊತೆಗೆ  ನನಗೆ ಕಾಣದ ಹಾಗೆ ನನ್ನೊಳಗಿನ ಕವಿಯನೆಬ್ಬಿಸಿ ಹನಿಗವನಗಳ ಸರಮಾಲೆಯ ತರಿಸಿದ  ಎಲ್ಲ ಕನ್ನಡ ಬ್ಲಾಗಿನ ಸ್ಪೂರ್ತಿಯ ಕವಿತೆಗಳಿಗೆ ಮತ್ತು ಅದರ ಕರ್ತೃಗಳಿಗೆ ಈ  ಮುಂದೆ  ಬರೆವ  ಮತ್ತು ನಿಮ್ಮ ಕವಿತೆಗಳಿಗೆ ಬರೆದ  ನನ್ನ  ಎಲ್ಲ   ಆಶು ಕವನಗಳು  ಸಮರ್ಪಿಸುತ್ತಿದ್ದೇನೆ   .ಇಲ್ಲಿ  ಆ ಹನಿಗವನ  ಮತ್ತು ಆಶು ಕವನಗಳಿಗೆ - "ಸ್ಪೂರ್ತಿಗವನಗಳು" ಎಂದು ನಾಮಕರಣ ಮಾಡಿದ್ದೇನೆ :)
*********************************************************************************************** 

ಕಬ್ಬಿಗನ ಅಂತರಾಳ

***********************************************************************************************

ಬರೆಯುವ ಕೈಗಳಿರುವಾಗ,
ಬರೆಸಲು  ಮಾಸದ ನೆನಪಿರುವಾಗ,
ಬರಹಗಳ ಓದುವ ಮನಸುಗಳು  ಇಲ್ಲದಿರೆ   ,
ಬರೆದು ಎನ್ನ ನೋವೇಕೆ ಹೆಚ್ಚಿಸಿಕೊಳ್ಳಲಿ?
ಇಲ್ಲ!  ಇಲ್ಲ !!ನಾ ಬರೆಯ ಬೇಕೆಂದುಕೊಂಡೆ 
ಏಕಾಂತದಲ್ಲಿರುವಾಗ  , ನನಗೆ ನಾ ಬೆಂಬಲಿಸದೇ 
ಪರರ ಬೆಂಬಲಿಸಲೆಂಬುದು , ಎಷ್ಟು ಸರಿ?
ಪರರೂ ನನ್ನಂತೆಯೇ ಅಲ್ಲವೇ !
ಅವರೂ ಮನುಜರಲ್ಲವೆ !
ಅವರಿಗೂ ನೋವಿದೆಯಲ್ಲವೇ !!
ಅವರ ನೋವ ಮರೆಸುವ ಕವಿತೆ ನಾ ಬರೆವೆ ,
ನನ್ನ ನೋವನೂ  ಅದರಲಿ ನಾ ಮರೆವೆ 
ಕವಿಯೊಳಗೊಬ್ಬ ಕವಿ ನಾನಾಗುವೆ ,
ಪರರ ಕವಿತೆಯಲ್ಲಿ ನನ್ನ ಅನುಭವವ ಕಾಣುವೆ, 
ಅವರ ನೋವಿನ ಸೆಳೆಯ ಬಿಡಿಸಿ ಆಳದಲಿ ಮಿಂದು 
ನನ್ನ ನೋವ ತೆಗೆಯುವೆ !
ಅವರು ಕಾಣ ಬಯಸುವ  ನಗುಮುಖವ ತೋರಿಸುವ  
ಕನ್ನಡಿಯಾಗುವೆ !! ನಾ ನಕ್ಕು ಪರರ ನಗಿಸುವೆ ,
ಓದುಗನಾಗಿ ಅವರ ಕವಿತೆಗೆ ಮೆಚ್ಚುಗೆಯ ತಿಳಿಸುವೆ !
ನಾ ಬಯಸುವ ಪರಿಯಂತೆ ಅವರ ಪರಿಯು ಇರುವುದಲ್ಲವೇ ?
ಏಕೆಂದರೆ ,ಅವರು ನನ್ನ ಹಾಗೆ ಮನುಜರಲ್ಲವೆ ?
ಏ , ಹುಚ್ಚು ಮನವೇ , ಬದುಕೇ ಕನ್ನಡಿಯಂತಲ್ಲವೇ !
ನೀ ನಕ್ಕರೆ, ಅದು ನಗುವುದು , ನೀ ಅತ್ತರೆ ಅದಳುವುದು 
ಕೊಟ್ಟರೆ ,ಅದು ನೀ ಕೇಳದಿರೂ ನೀಡುವ ದಾನಿಯಾಗುವುದು.
ಹಾಗಾದರೆ, ಇದು ಕೊಟ್ಟು ತೆಗೆದು ಕೊಳ್ಳುವ ಮಾರುಕಟ್ಟೆಯೇ 
ಹೌದು!!! ಬೇಡುವ ಕೈ ಇಲ್ಲದಿರೆ ಕೊಡುವ ಕೈಗೆಲ್ಲಿ ಬೆಲೆ ಇದೆ ?
ಹುಹ್ , ಬದುಕೆಂಬ ಮಾರಾಟಕ್ಕೆ , ಮಾರಾಟದ ವಸ್ತುವಾಗಿಸಿ 
ಮಾರಾಟಗಾರರ ನಡುವೆ ಬೆಂದು ಬಸವಳಿವ ಪರಿಯ ಕಂಡು 
ಅಣಕ ಮಾಡುತ್ತಿರುವೆಯಲ್ಲೋ - ಶಂಭುಲಿಂಗ .

-@(-ಗಣಿ -)@-
***********************************************************************************************