***********************************************************************************************
ನೀ ಬೇಡವೆಂದರೂ ನಿನ್ನ ಬಳಿ
ಓಡಿ ಬರುವ ಮನಕೆ ನಾನೇನೆಂದು ಹೇಳಲಿ?
ಮರೆತಷ್ಟು ಕಾಡುವುದು ನಿನ್ನಯ ನೆನಪು!
ಈ ಹುಚ್ಚು ಪ್ರೀತಿಯ ಹುಟ್ಟಡಗಿಸಲು ಸಾಧ್ಯವಿಲ್ಲವೇ?
ಇರುಳಿನ ಕನಸಾಗಿ ಬಂದು ಹೋಗದೆ
ಬಾಳಿನ ಕನಸಾಗಿ ಏಕೆ ಬಂದೆ!
ಮೂಕವಾಗಿ ಒಳಹೊಕ್ಕು
ಅಂತರಂಗದಿ ನನ್ನನೇಕೆ ಕೊಲ್ಲುತಿರುವೆ!
ಕನಸುಗಳು ಏಕೋ ಮರೆಯಾಗಿವೆ!
ಕನಸುಗಳು ಏಕೋ ಮರೆಯಾಗಿವೆ!
ಹೃದಯವೂ ತುಂಬಾ ಭಾರವಾಗಿದೆ!
ನೀ ದೂರ ಹೋದರೆ ನಾ ಉಳಿಯುವೆ!
ನಿನ್ನ ಮರೆತರೆ ಬದುಕಲಿ ನಾ ಗೆಲ್ಲುವೆ!
~ಜಿ.ಪಿ.ಗಣಿ ~
***********************************************************************************************
***********************************************************************************************
ಮೌನವಾಗಿ ಪ್ರೀತಿಯಾಳಕ್ಕಿಳಿದು ಮತ್ತೆ ಮೇಲೆದ್ದು ಬರಬೇಕೆಂದರೆ ಸುಲಭವಾದ ಪ್ರಕ್ರಿಯೆಯಲ್ಲ. ಅಂತಹದ್ದೊಂದು ಸುಳಿಯಲ್ಲಿ ಹೆಪ್ಪುಗಟ್ಟಿದ ಭಾವಗಳು ಈ ಹಾಡಾಗಿದೆ! ಚೆನ್ನಾಗಿದೆ ಗಣಿ :)
ReplyDelete- ಪ್ರಸಾದ್.ಡಿ.ವಿ.
ನೆನಪುಗಳೇ ಹೀಗೆ ಬೇಡವೆಂದಷ್ಟು ನಮ್ಮಣ್ಣ ಅರಸಿ ವರಸಿ ಬರುತ್ತವೆ...
ReplyDeleteನೆನಪುಗಳು ದೂರಾಗಲಾರವು. ನೆನಪುಗಳೊಂದಿಗೆ ಬದುಕುವುದನ್ನು ಮಾತ್ರ ನಾವು ರೂಢಿಸಿಕೊಳ್ಳಬೇಕಷ್ಟೆ...
-ರುಕ್ಮಿಣಿ ಎನ್.