ಹೃದಯವಾಣಿ

ಒಲ್ಲದ ಮಾತಿಗೆ
ಸಲ್ಲದ ಪರದಾಟ!
ಮೌನ ಗೀತೆಗೆ
ಸಾಹಿತ್ಯದ ಕಾದಾಟ!

ಸಾಧನ
______
ಇರುವುದೊಂದು ಜೀವನ
ಆಗಬೇಕದು ಪಾವನ
ಅದಕೆ ಬೇಕೊಂದು ಸಾಧನ
ಅದುವೇ ತಿಳಿಯಾದ ಮನ!

ಸಾಮರ್ಥ್ಯ!
_________________
ಹೊರಲು ಶಕ್ತಿಯುಹುದೆಂದು
ತೋಳ್ಬಲದಲ್ಲಿ ಬೆಟ್ಟವನೆತ್ತಲಾದೀತೇ?
ಉದರಕೆ ಹಸಿವಿಹುದೆಂದು
ಕಣ್ಮುಂದಿರುವ ಭೋಜನವನೆಲ್ಲವನು ತಿನ್ನಲಾದೀತೇ?
ಬಟ್ಟೆಯು ಹರಿಯುವುದು
ದಪ್ಪದಳತೆಯ ದೇಹವ ಧರಿಸಿದಾಗ!!
ಹೊಟ್ಟೆಯು ಹೆರುವುದು
ದೇಹದಲಿ ಹೆಚ್ಚು ಹೊರೆಯಾದಾಗ!!
ಮನವು ಹರಿಯುವುದು
ತಡೆ ಇಲ್ಲದಾದಾಗ!
ಕೊಳೆತು ನಾರುವುದು
ತಡೆಯನೊಡ್ಡಿದಾಗ!
ಬೇಕೆಂದಾಗ ತಡೆ
ಬೇಡದಾದಾಗ ನಡೆ
ತಡೆ-ನಡೆಯೊಳಗಿನ
ಕಣ್ಣಾ ಮುಚ್ಚಾಲೆಯಾಟವೇ
ಸಾಮರ್ಥ್ಯದ ಜೀವನ!

~ ಜಿ.ಪಿ.ಗಣಿ~