ಕೊಲ್ಲದಿರು ನೆನಪೇ ನೀ ಬರಿ ಮರೀಚಿಕೆ !

***********************************************************************************************
ಗತಿಯಿಲ್ಲದ ಮನವ 
ಹಿಡಿತವಿಲ್ಲದ ನಲಿವ 
ಹೊತ್ತು ತಂದೆ ನೀನು !
ಪ್ರತಿಯೊಂದು ನಿಮಿಷವೂ 
ನಿನ್ನ ನಗುವ ಕಂಡೆ !
ಒಳಗಿನ ಮಗುವು ಅರಳಿ 
ಕರಗಿತ್ತು ಎನ್ನ ಮನಸ್ಸೆಂಬ ಹೆಬ್ಬಂಡೆ !

ಅಂತರಂಗದಿ ಸುರಿಯುತಿದೆ ಸಂತಸದ ಜಡಿಮಳೆ
ಸೂರ್ಯನಂತೆ ನಿನ್ನ ಮೊಗವ ಕಾಣಲೆನೆಗೆ
ಕಾಮನಬಿಲ್ಲಂತೆ ಗರಿಗೆದರಿದವು
ಬಣ್ಣ ಬಣ್ಣದ ಆಸೆಗಳ ಸುರಿಮಳೆ !

ನಿನ್ನ ಪಿಸು ಮಾತು ಕೇಳುವಾಕ್ಷಣ ....
ಕಳೆದು ಹೋದೆ ನನ್ನೇ ನಾ !
ನೀ ಮೌನವಾದಾಗ ಹುಡುಕುತಿದ್ದೆ
ನಿನ್ನೊಳಗೆ ನನ್ನೇ ನಾ ! ನನ್ನೇ ನಾ !

~ಜಿ.ಪಿ.ಗಣಿ~

***********************************************************************************************