ನಲ್ಮೆಯ ಗೆಳೆಯ -ಗೆಳತಿಯರಿಗೆಲ್ಲ ನನ್ನ ಹೃದಯವಾಣಿಗೆ ಪ್ರೀತಿಯ ಆದರದ ಸ್ವಾಗತ... ನನ್ನ ಮನದಾಳದ ಮಾತು ಇಲ್ಲಿ ಬಿಂಬಿಸಿದ್ದೇನೆ ಬಿಡುವಿದ್ದಾಗ ಓದಿ ಮನಸ್ಸಿನ ನೋವನ್ನು ಸ್ವಲ್ಪ ಹಗುರ ಮಾಡಿಕೊಳ್ಳಿ ಜೊತೆಗೆ ಸಲಹಿ ಹಾರೈಸಿ :))

Search This Blog

Saturday, November 21, 2015

ಬಾಲ್ಯದ ಸವಿ ನೆನಪು ಈ ಮಳೆಯ ಚಳಿಯಲಿ!


***********************************************************************************************
ಜಿಟಿ ಜಿಟಿ ಮಳೆಗೆ ರಕ್ತವೆಲ್ಲವೂ
ಹೆಪ್ಪುಗಟ್ಟಿ ಹಿಡಿದ ಹಾಸಿಗೆಯಿಂದ
ಏಳುವಂತಿರಲಿಲ್ಲ ...
ನೆನೆ ನೆನೆದು ಲೊಳ ಲೊಳಲೆಂದು
ನಾಸಿಕದಿ ಹೊರಹರಿದುಬರುತ್ತಿತ್ತು
ಮೂಗಿನ ಹೊಳೆಯು...
ತಲೆ ಹಿಡಿದುಕೊಂಡಿತ್ತು
ಕಿವಿಯ ಗವಿಯೊಳಗೆ
ತಂಗಾಳಿ ಹೊಕ್ಕಿ ...
ಶಿರಕೆ ಮಂಗನ ಟೋಪಿ ಧರಿಸಿ
ಹಣೆಗೆ ಅಮೃತಾಂಜನ ಮೆತ್ತಿ
ನಸೆಯ ಮೂಸಿ ಸೀನುತ್ತ
ಬೆಚ್ಚನೆಯ ಸ್ವೆಟರನು ತೊಟ್ಟು
ಕುರಿಗಂಬಳಿಯ ಹೊದ್ದಿಕೊಂಡು
ಗುಡುಗಿನ ಶಬ್ದವ ಕೇಳಿ
ಯಮನ ಚಾವಟಿಯೇಟೆಂದು
ಕೋಣನ ಸವಾರಿಯ ಮಾಡುತಿರುವನೆಂದು
ಅಜ್ಜಿಯು ಗುಡುಗುತ್ತಿದ್ದಳು...
ಭಯದಿ ಮುದುರಿಕೊಂಡು
ಸಿಡಿಲು ಗುಡುಗಿನ ಜೋಗುಳದಿ
ಮಲಗಿದೆಡೆ ಸ್ವರ್ಗವನಪ್ಪಿದಾನಂದ!!!!


~ಜಿ.ಪಿ.ಗಣಿ~
***********************************************************************************************

1 comment:

  1. ಹಳ್ಳಿಗಾಡಿನ ಮಳೆಗಾಲದ ಚಿತ್ರಗಳು ಮತ್ತು ಅಬೋದ ಬಾಲ್ಯದ ನಡುಕಗಳ ಸಾದೃಶ ಕವನ.

    ReplyDelete