ನಲ್ಮೆಯ ಗೆಳೆಯ -ಗೆಳತಿಯರಿಗೆಲ್ಲ ನನ್ನ ಹೃದಯವಾಣಿಗೆ ಪ್ರೀತಿಯ ಆದರದ ಸ್ವಾಗತ... ನನ್ನ ಮನದಾಳದ ಮಾತು ಇಲ್ಲಿ ಬಿಂಬಿಸಿದ್ದೇನೆ ಬಿಡುವಿದ್ದಾಗ ಓದಿ ಮನಸ್ಸಿನ ನೋವನ್ನು ಸ್ವಲ್ಪ ಹಗುರ ಮಾಡಿಕೊಳ್ಳಿ ಜೊತೆಗೆ ಸಲಹಿ ಹಾರೈಸಿ :))

Search This Blog

Saturday, April 5, 2014

ಇನ್ನಾದರೂ ನಿನ್ನುಸಿರಿಗೆ ಉಸಿರನು ನೀ ಬೆರೆಸು

***********************************************************************************************

 ಇನ್ನಾದರೂ ನಿನ್ನುಸಿರಿಗೆ ಉಸಿರನು ನೀ ಬೆರೆಸು
ನಿನ್ನ ದೇಹಾತ್ಮದ ಮುಕ್ತಿಯ ಇಲ್ಲೇ ಸದಾ ಹರಸು

ನಿರಂತರ ಗುಡುಗುವ ಹೃದಯವು
ಇತ್ತೀಚಿಗೆ ಕಂಪಿಸುತ್ತಿದೆ
ಭಾರವೆನಿಸುತಿದೆ
ಓಟದ ಆಟ ಸಾಕಾಗಿಹೋಗಿದೆ
ಕಾಣದ ಮಿಡಿತ ಮರುಗಿ ಕಂಬನಿಗರೆದು
ಸಾಂತ್ವನಕಾಗಿ ಹಂಬಲಿಸುತಿದೆ
ಮಿಡಿತಕ್ಕೆ ಹಿಡಿತವ ತರುವ
ವೈದ್ಯನ ಪೋಷಣೆ ಬೇಕಾಗಿದೆ
ಅಳಲು ತೋಡಿಕೊಳ್ಳಲು ತಾಯಿಯಂತಹ
ಮಮತೆಗಾಗಿ ಕಾಯುತ್ತಿದೆ
ಬದುಕ ಮುನ್ನಡೆಸಲು ತಂದೆಯಂತಹ
ಅಧಿಪತಿಗಾಗಿ ಹಪಹಪಿಸುತ್ತಿದೆ.
ಇನ್ನಾದರೂ ನಿನ್ನ ಬದುಕ ಬದುಕೆಂದು
ಸಾರಿ ಸಾರಿ ಚೀರುತ್ತಿದೆ
ಜೀವಕೆ ಜೀವವಾಗುವ ಹೊತ್ತಿಗೆ
ನಿರ್ಜೀವವಾಗುವ ಘಟ್ಟ
ನಾಲ್ಕು ಜನರು ಕಾಯುತ್ತಿರುವರು
ಹೊತ್ತೊಯ್ಯಲು ನಿನ್ನ ಚಟ್ಟ

ಇನ್ನಾದರೂ ನಿನ್ನುಸಿರಿಗೆ ಉಸಿರು ನೀ ಬೆರೆಸು
ನಿನ್ನ ದೇಹಾತ್ಮದ ಮುಕ್ತಿಯ ಇಲ್ಲೇ ಸದಾ ಹರಸು
ಮನಸಿನೊಳು ಬರುವುದು ಅರಿವಿನ ಸೊಗಸು
ಇದೇ ಸ್ವರ್ಗ!! ಇದೇ  ಸ್ವರ್ಗ!!

~ಜಿ.ಪಿ.ಗಣಿ~
***********************************************************************************************

1 comment:

  1. ’ವೈದ್ಯನ ಪೋಷಣೆ ಬೇಕಾಗಿದೆ
    ಅಳಲು ತೋಡಿಕೊಳ್ಳಲು ತಾಯಿಯಂತಹ
    ಮಮತೆಗಾಗಿ ಕಾಯುತ್ತಿದೆ
    ಬದುಕ ಮುನ್ನಡೆಸಲು ತಂದೆಯಂತಹ
    ಅಧಿಪತಿಗಾಗಿ ಹಪಹಪಿಸುತ್ತಿದೆ.’
    ಎಂತಹ ಉತ್ತಮ ನಿರೀಕ್ಷೇ.

    ReplyDelete