ಅಗೋಚರ

***********************************************************************************************
ಆಗಸವೆಂಬ ಅಂತ್ಯವಿಲ್ಲದ ವೃತ್ತದ ಪರಿಧಿಯಲ್ಲಿ
ನೀನೆಲ್ಲಿ ಅಡಗಿದ್ದೆ?
ಲೆಕ್ಕಕೆ ಸಿಗಲಾರದಷ್ಟು ಸೌರಮಂಡಲಗಳಿಹವಿಲ್ಲೀ... 
ಆದರೂ ಅದರೊಳಗಿನ ಭೂಮಿ ನೀನಾ?
ಮೌನ ನೀನಾಗಿ
ನನ್ನಾತ್ಮ ಜಾರುತಿದೆ ಕಾಣದೂರಿನೆಡೆಗೆ...
ನೀ ಜೀವ ಧರಿಸಿರುವೆ
ಎನಗೆ ಭಯವ ತಂದಿರುವೆ
ಯಾರು ನೀ! ಭಾವನೆಯೇ?
ನನ್ನೊಳಗೆ ನೀ ಹೇಗೆ ಬಂದೆ?
ಏಕೆ ಬಂದೆ?

ನನ್ನೊಳಗಿನ ನನ್ನಲ್ಲಿ
ನಿನ್ನ ಬಿಂಬವ ಕಾಣುತಿಹೆ
ನನ್ನ ನಾ ಮರೆಮಾಚುತಿಹೆ!
ಯಾರು ನೀ! ಭಾವನೆಯೇ?
ನನ್ನೊಳಗೆ ನೀ ಹೇಗೆ ಬಂದೆ?
ಏಕೆ ಬಂದೆ?
***********************************************************************************************