ಸಮರ್ಪಣೆ

***********************************************************************************************
ಮನದೊಳಗಿನ ಆಸೆಯೆಂ
ದಮನಗೊಳಿಸೈ
ಪರಮಾತ್ಮನೇ !
ಆಸೆಯ ಕೆಂಡವಂ ಹೊಸೆದು
ಅದರ ಬೂದಿಯೊಳ್
ಮಜ್ಜನಗೈದು
ನಿನ್ನ ನಾಮವೆಂಬ ಭಕ್ತಿಯೊಳ್
ಜ್ಞಾನದ ಜ್ಯೋತಿಯಂ ಉರಿಸೈ
ಜಗದೋದ್ದಾರಕನೆ !
ಅರೆಗಳಿಗೆಯ ಸುಖಕಿಮ್
ತಿಲಾಂಜಲಿಯನಿತ್ತು
ನಿನ್ನ ಜಪಿಸುತ ಆರಾಧಿಸುವೆ
ಸ್ವೀಕರಿಸೈ ಎನ್ ಅಂತರಂಗದ ದೇಗುಲವನು !

~ಜಿ.ಪಿ.ಗಣಿ~
***********************************************************************************************

ಅಂಧಕಾರ

***********************************************************************************************

ಸಿಡಿಲು-ಗುಡುಗು ಬಡಿಯುವ

ಮನದೊಳಗಿನ ನೋವೆಂಬ ಮೋಡಕೆ 

ಕೇವಲ ಕಣ್ಣೀರೆಂಬ ಮಳೆ ಸುರಿಸುವುದಷ್ಟೇ ಗೊತ್ತು !

ಆ ಮೋಡವೂ ಬತ್ತಿ ಹೋದೆಡೆ 

ಮನದೊಳಗಿನ ಅಳುಕ ಅರಿಯುವುದೆಂತೋ ?

ಮೋಡ ಬಿತ್ತನೆ ಮಾಡಿ 

ಮಳೆ ತರಿಸುವ ಸಾಹಸ ಎಲ್ಲಿಯವರೆಗೋ ?

ಕಣ್ಣಿಗೆ ಗೋಚರಿಸುವ 

ಭಾಷೆಯ ತಿಳಿಯದ ಮೂಢ ಮನವೇ 

ಕಾಣದ ನೋವನು ಹೇಗೆ ಅರಿಯುವೆ ?

ಮನುಷ್ಯ ರೂಪದ ಕ್ರೂರ ಮೃಗವೇ 

ಮನುಷ್ಯತ್ವವ ಮರೆತ ಮನುಷ್ಯನಾಗಿ 

ಎಲ್ಲಿಯತನಕ ಬದುಕುವೇ ?

~ಜಿ.ಪಿ.ಗಣಿ~
***********************************************************************************************