***********************************************************************************************
ಬರುವಾಗ ನಾನಳುತಿದ್ದೆ
ಕಣ್ಣ ರೆಪ್ಪೆಯನೂ ತೆರೆಯದೆ!!
ಸುತ್ತರೆಲ್ಲರೂ ನಗುತಿದ್ದರು
ಬಂದೆಯಾ ಗುಗ್ಗು ಅನುಭವಿಸು
ಹಾಳು ಮಾನವ ಜನುಮವನ್ನೆಂದು!!
ಹೊರಡುವಾಗ ನಾನಗುತ್ತಿದ್ದೆ
ಸದ್ಯ ಮುಕ್ತಿ ದೊರೆಯುತಿಹುದೆಂದು!
ಅವರು ಅಳುತ್ತಿದ್ದರು ಇಷ್ಟು ಬೇಗನೆ
ಹೊರಟು ಹೋದೆನಲ್ಲಾ ಎಂದು!
***********************************************************************************************

ಅಗೋಚರ!

***********************************************************************************************

ಪರಿಚಿತ ಜನಗಳ ಮುಂದೆ
ಅಪರಿಚಿತನಂತೆ
ಆಗಸದಿ ಅತೀ ಎತ್ತರದಿ
ಹಾರಾಡುವ ಹದ್ದಿನಂತೆ
ಕತ್ತಲೆಯ ಕನ್ನಡಿಯಲ್ಲಿ
ಪ್ರತಿಬಿಂಬವ ಹುಡುಕುತಿರುವ
ಹುಚ್ಚು ಮನಕೆ
ಅದೇನಾಗಿದೆಯೆಂದು
ಆವ ಪಂಚೇಂದ್ರಿಯಗಳ ಅರಿವಿಗೂ ಬರುತ್ತಿಲ್ಲ

***********************************************************************************************

ಆತ್ಮದೇವತೆ

***********************************************************************************************
ನೀ ಮರೆತರೂ
ನೀನನ್ನಗಲಿದರೂ
ಈ ಹುಚ್ಚು ಹ್ರದಯದ
ಬಡಿತದಿ ಕೇವಲ ನಿನ್ನದೇ ಕೂಗು
ಪ್ರತಿ ಮಿಡಿತದಲೂ ನಿನ್ನದೇ ಧ್ಯಾನ
ಆತ್ಮದೇವತೆಯಂತೆ ನೀನೆಗೆ!
ಆವ ಅಪೇಕ್ಷೆಯೂ ಎನಗಿಲ್ಲ
ನಿನ್ನಯ ನೆನಪಿನ ಅಮಲಿನಲ್ಲೇ
ಎನ್ನೆದೆಯ ಕಳಶಕೆ ನಿತ್ಯವೂ
ಅಭಿಷೇಕ!!
ತ್ರಪ್ತನಾಗುವನಾ ಪರಮಾತ್ಮ...
ನಿಷ್ಕಲ್ಮಶ ಪ್ರೀತಿಯ ಬಕುತಿಯಲ್ಲಿ!!!
***********************************************************************************************

ಫಸಲು!!

***********************************************************************************************
ತಲೆಗೂದಲುಗಳಂತೆ ಅದೆಷ್ಟು
ಆಲೋಚನೆಗಳು ಎದೆಯ ಹೊಲದಳು
ಬೇರೂರಿಹವೋ ...
ಅಲ್ಲಲ್ಲಿ ಕಾಣಸಿಗುವವು ಬಿಳಿಗೂದಲು
ಬೆಳೆಯ ನಡುವಣವೂ ಕಳೆಯ ಸಾಲು
ಫಸಲಿನ ಇಳುವರಿಗಾಗಿ ಕ್ರತಕ ಗೊಬ್ಬರದ
ಸಿಂಪಡಣೆ!
ಬರುವ ಫಸಲುಗಳಲೆಲ್ಲ
ರೋಗದ ಛಾಯೆ!!
***********************************************************************************************

ಕರ್ 'ಮ'

***********************************************************************************************
ಕರ್ಮವ ಮಾಡುವ ಕರ್ಮವನ್ನ್
ಎದೆಗಪ್ಪಿ ಕರ್ಮ ಕರ್ಮ ಎಂದೊಡೆ
ಕರದಲ್ಲಿರುವ ಮರ್ಮವನ್ ಅರುಹಲಾಗದು!!
***********************************************************************************************

ದೇವರ `ವರ`

***********************************************************************************************

ಹೆಣ್ಣೆಂಬ ಹೂವನು 
ಪಡೆಯುವ ಮುನ್ನ
ಹ್ರದಯವೆಂಬ ದೇವರ
ಬಳಿ ಇತ್ತು ಪೂಜಿಸಿ
ವರವಾಗಿ ಪಡೆಯಬೇಕು

***********************************************************************************************

ಬಣ್ಣದ ಬದುಕು!!!

***********************************************************************************************

ತಿಳಿ ಕೋಮಲ ಶುಭ್ರ 

ನೀರ ಆತ್ಮ ದೊಳಿಹವು
ರಂಗು ರಂಗಿನ ಭಾವನೆಗಳು

ಒಮ್ಮೊಮ್ಮೆ ಕಡು ಕಪ್ಪು
ಭಾವನೆಗಳ ತೀವ್ರತೆಯಿಂದ!!
ಕಾಣಲಾಗದ ಬಿಂಬವದು
ಕಗ್ಗತ್ತಲೆಯ ಕವಚದಿಂದ!!

ಹರುಷದೋಕುಳಿಯು
ಭಾವನೆಗಳು
ನಿತ್ಯವೂ ಬದುಕುವ
ಜೀವದಾಸೆಯ ಉಳಿಸಿರೆ!!

ಬಣ್ಣವನೆರಚುವವನಿರುವಾಗ
ನಾವಾರು, ಇಲ್ಲಿ?
ಊಹಿಸಲು!!
ಅಳುವುದು...
ನಗುವುದು...
ನಮ್ಮ ಅರಿವಿಗಭೇದ್ಯವು!!!

ಬೆದಕಿದಷ್ಟು ಅತೀ ಆಳವು!
ಬಣ್ಣ ಬಣ್ಣಗಳ ನಡುವಿನ
ಮದುವೆಯ ಆಟ!
ಹೆರುವ ಕೂಸಿಗೆ
ಅಂತ್ಯವಿಲ್ಲದ ಕಾದಾಟ!

ಕೊನೆಗುಳಿವುದೊಂದೇ
ಇದ್ದರೂ ಇರದ ಹಾಗೆ
ಕದಕಿದೆಡೆ
ಅಲೆ ನಿಲ್ಲುವೆಡೆಗೆ...
ಆದಿ ಅಂತ್ಯವಿಲ್ಲದ ತಿಳಿ
ಸಾಗರವೀ ಬದುಕು...!!

@ಜಿ.ಪಿ.ಗಣಿ@

***********************************************************************************************