ದೊಡ್ದತನದಲ್ಲಿ ದಡ್ಡತನ !

***********************************************************************************************
ಬುದ್ದಿ ಹೇಳುವ ಅಧಿಕಾರವಂ ಪಡೆದು 
ಕೊಂಕು ಮಾತನಾಡುವ ಜನರ ನೋಡ !
ಮಾಡುವ ಕಾಯಕವಂ ತಿದ್ದುವ ಮನವಿಲ್ಲದೆಡೆ 
ಜರಿದು ಅಣಕಿಸುವ ಉದ್ದಟತನ ನೋಡ !
ಹಿರಿತನದ ಅಹಮಿನಲಿ ಕಿರಿತನವ ತೋರಿ 
ದೊಡ್ದವನೆನುವ ದಡ್ಡನಾದ ಗತಿಯ ನೋಡೋ ಶಂಭುಲಿಂಗ !

~ಜಿ.ಪಿ.ಗಣಿ~
***********************************************************************************************

ರಕ್ತದಾನ : ರಕ್ತದಾನವೇ ಜೀವದಾನ ಅದು ಕೊಡುವುದು ನಮ್ಮಯ ಆತ್ಮಕೆ ಸಮಾಧಾನ!!

***********************************************************************************************

ಮುಂಜಾನೆಯ ಹೊಸಗಾಳಿ ಸೇವಿಸದಿರೆ

ಮನಸಿಗುಲ್ಲಾಸ ದೊರೆವುದೇ?

ತಿಂದ ಆಹಾರ ಉದರದಿ ಜೀರ್ಣವಾಗದಿದ್ದರೆ

ಮತ್ತೆ ತಿನ್ನುವ ಅವಕಾಶ ಬರುವುದೇ ?

ಇಂತಹ ಹೊಸದು ಬಯಸುವ ಶರೀರವು 

ನೊಂದ ಜೀವಕೆ ರಕ್ತದಾನವ ಮಾಡಿದೆಡೆ 

ನೀ ಉಲ್ಲಾಸದ ರಕುತವ ಚಿಮ್ಮಿಸದೇ ಬಿಡುವೆಯೇನೋ ಶಂಭುಲಿಂಗ !!

-@(ಜಿ.ಪಿ.ಗಣಿ)@ - 
***********************************************************************************************

ಹಣದ ವ್ಯಾಮೋಹ !

***********************************************************************************************

ಹಣ - ಹಣವೆಂದು ಬಾಯಿ 

ಬಿಡುವ ಹೆಣಕೇನೆಂಬರು ,

ಹಣವಿಲ್ಲದಿರೆ ಆ  ಹೆಣವ 

ಹೊತ್ತೊಯ್ಯಲೂ ಬಾರದೆ 

ಬೀದಿಪಾಡು ಮಾಡುವ 

ಈ ಜನಕೇನೆಂಬರಯ್ಯ ಶಂಭುಲಿಂಗ !!

-@(ಜಿ.ಪಿ.ಗಣಿ)@-
***********************************************************************************************

ಮಹಾನ್ ಸಚಿವರು !!

***********************************************************************************************
ಮತ ಯಾಚಿಸುವತನಕ 

ಕಂಡ ಕಂಡವರ ಕಾಲ ಹಿಡಿವರು ,

ಮತ ಉಂಡು ಸಚಿವರಾದ ಬಳಿಕ 

ಅದೇ ಕಾಲನೆಳೆವರು,

ಎದ್ದಾಗ ಕಾಲು ಹಿಡಿಯುವ 

ಬಗ್ಗಿದಾಗ ಜುಟ್ಟು ಹಿಡಿಯುವ 

ಈ ಕೆಟ್ಟ -ಹುಳುಗಳನೇನೆಂಬರಯ್ಯ ಶಂಭುಲಿಂಗ !!

-@(-ಗಣಿ -)@-
***********************************************************************************************

ಬೆಪ್ಪತಕಡಿ

***********************************************************************************************

ನಿನ್ನ ಹೊಂಡವ ನೀನಲ್ಲದೆ 

ಮತ್ಯಾರು ತೆಗೆಯಲಿಲ್ಲ 

ಅದರಲ್ಲಿ ಬಿದ್ದೆದ್ದು ಕೇಳುವ 

ಈ ಹುಚ್ಚು- ಮನವ  ಕಂಡು 

ನಗಬೇಕೋ -ಅಳಬೇಕೋ 

ತಿಳಿಯುತ್ತಿಲ್ಲ -ಶಂಭುಲಿಂಗ 

                 -ಗಣಿ 

***********************************************************************************************

ಪ್ರೀತಿಯ ಅಮಲು

***********************************************************************************************

ಒಂದು ಆತ್ಮದಲ್ಲಿ 
ನೀ ಬಿತ್ತ ಪ್ರೀತಿಯ 
ಬೀಜವ ನೋಡೋ ,
ಬೀಜ ಮೊಳೊಕೆಯೊಡೆದು  
ಸಸಿಯಾಗಿ ಹೊರ ಬರುತಿರುವ 
ಪರಿಯ ನೋಡೋ,
ಸಸಿಯಾಗಿ ಹೂವಿತ್ತು
ಬೇಡಿ ಅರ್ಧನಾರೀಶ್ವರ-
ನಾಗಬೇಕೆಂಬ ಬಯಕೆಯ 
ಒಮ್ಮೆ ನೀ ನೋಡೋ -ಶಂಭುಲಿಂಗ


-@(-ಗಣಿ -)@-

***********************************************************************************************

ತೆನ ವಿನ ತೃಣ ಮಪಿ ನ ಚಲತಿ

***********************************************************************************************

ನಾನು ನಾನೆಂಬ
ಅಂಧಕಾರದಲಿ
ಪರಿತಪಿಸದೆ,
ಪರಬ್ರಹ್ಮಾದಿ ಅಂಶದಿ
ಜನಿಸಿದ ನೀನು ,
ಅಣು - ಅಣುವಿನಲ್ಲು
ದೈವತ್ವವ  ಕಾಣೋ-ಶಂಭುಲಿಂಗ
                   -ಗಣಿ
***********************************************************************************************